“ბარსელონამ”, დუგლასის ტრანსფერის დროს, ნეიმარის მამის კომპანიასთან, N&N-თან კონსულტაცია გაიარა. ამ ინფორმაციას ბრაზილიური UOL ავრცელებს.
ნეიმარის ესპანეთში გადასვლის დროს, “ბარსელონასა” და ფეხბურთელის მამას შორის კონტრაქტი გაფორმდა, რომლის თანახმადაც, ნეიმარ უფროსი, კატალონიელებს, ბრაზილიელი ტალანტების მოძიებაში ეხმარება, რაშიც ყოველწლიურად 400 ათას ევროს იღებს.
“ბარსელონამ” ეს შეთანხმება “სან პაულუდან” მარჯვენა მცველის, დუგლას პერეირას გადმოყვანის დროს გამოიყენა.
