“მანჩესტერ სიტის” ფეხბურთელები, სტივენ იოვეტიჩი და მატია ნასტასიჩი, ჩემპიონთა ლიგის 1/8 ფინალის საპასუხო მატჩს, “ბარსელონას” წინააღმდეგ გამოტოვებენ.
ორივე ფეხბურთელი გუნდთან ერთად ბარსელონაში არ გამგზავრებულა. იოვეტიჩი ჯერ კიდევ, მუხლქვეშა მყესის ტრავმის აღდგენის პროცესშია, ნასტასიჩი – მუხლის ტრავმის.
მარტინ დემიკელისის დისკვალიფიკაციის გამო, დაცვის ცენტრს ვენსან კომპანი და ჯოლეონ ლესკოტი გააკონტროლებენ.
ასევე დისკვალიფიცირებულია “სიტის” მთავარი მწვრთნელი, მანუელ პელეგრინი, რომელიც დღევანდელ მატჩში გუნდს ვერ უხელმძღვანელებს.
