ჟორდი კაზესი, რომლის მიერ სასამართლოში შეტანილმა სარჩელმაც სანდრო როსელს თანამდებობის დატოვება აიძულა, “ბარსელონას” ხელმძღვანელი პირებისგან იმის წერილობით დასტურს ითხოვს, რომ კატალონიელები მის წინააღმდეგ კანონით გათვალისწინებულ ღონისძიებებს არ მიმართავენ.
“მშვიდად ვარ, რადგან კარდონერმა და ბართომეუმ სიტყვა მომცეს, რომ არაფერი დამემუქრება. თუმცა, მათი სიტყვების წერილობით დადასტურება მინდა.
“ბარსელონა” უკვე მემუქრებოდა, რომ კატალონიელები ჩემგან რამდენიმემილიონიან კომპენსაციას მოითხოვდნენ. ისინი, ჯერჯერობით, წერილობითი დოკუმენტის გაცემისთვის მზად არ არიან. სანამ ეს არ მოხდება, ნეიმარის ტრანსფერთან დაკავშირებით შეტანილ სარჩელს არ გამოვითხოვ. “ბარსელონას” ხელმძღვანელობის გადაწყვეტილებას ველოდებით.”