“ბარსელონას” ბრაზილიელი ვარსკვლავი ნეიმარი სრულად გამოჯანმრთელდა და ის გუნდთან ერთად შეზღუდვების გარეშე ვარჯიშობს.
ბრაზილიელმა თავდამსხმელმა “ხეტაფესთან” გამართული სათასო დაპირისპირება (4:0) ავადმყოფობის გამო გამოტოვა. “ბარსას” ოფიციალური “ტვიტერის” ცნობით, 21 წლის ფეხბურთელმა სრული დატვირთვით ვარჯიში განაახლა. ეს იმას ნიშნავს, რომ ნეიმარი მადრიდის “ატლეტიკოსთან” სათამაშოდ მზადაა.
ნეიმარს, მიმდინარე სეზონში ჩატარებულ 24 თამაშში, 11 გოლი და 10 შედეგიანი გადაცემა აქვს.