რუსულ პრესაში საკმაოდ საინტერესო ინფორმაცია გავრცელდა. თუ Sovsport-ს დავუჯერებთ, ყაზანის “რუბინის” გაწვრთნის ერთ-ერთი კანდიდატი ტიტო ვილანოვაა.
გასული წლის ბოლოს, ყაზანელებმა, მთავარი მწვრთნელის პოსტიდან, ყურბან ბერდიევი დაითხოვეს. “რუბინის” ჩაბარებას რამდენიმე სპეციალისტს უწინასწარმეტყველებენ და ერთ-ერთი მათგანი ტიტო ვილანოვაა.
შეგახსენებთ, რომ ტიტო ვილანოვა 2007-2012 წლებში პეპ გუარდიოლას დამხმარედ მუშაობდა, ხოლო 2012-13 წლების სეზონში ის “ბარსელონას” მთავარი მწვრთნელი იყო. 45 წლის სპეციალისტმა კატალონიური გუნდი ჯანმრთელობის მდგომარეობის გამო დატოვა.
