ოფიციალურად: ბარსელონამ ჯესი ბისივუს ტრანსფერი დაადასტურა

“ბარსელონამ” და “ბრიუგემ” ჯესი ბისივუს ტრანსფერზე შეთანხმებას მიაღწიეს. ფეხბურთელმა კატალონიურ კლუბთან კონტრაქტი 2031 წლის 30 ივნისამდე გააფორმა.

მოთამაშის ოფიციალური პრეზენტაცია კლუბის ოფისში უახლოეს მომავალში გაიმართება.

ბრწყინვალე მომავალი

ბისივუს მოსვლით, “ბარსელონამ” დაიმატა ვინგერი, რომელსაც სისწრაფის, ძალისა და დრიბლინგის უნარის წყალობით წინ დიდი მომავალი აქვს. ბელგიაში 2008 წლის 22 იანვარს დაბადებული ფლანგელი, ბელგიის ახალგაზრდული ნაკრებების უცვლელი წევრია.

17-წლამდელთა ევროპის ჩემპიონატის სიმბოლურ გუნდში

ბისივუს სახელმა პირველად ყურადღება 2025 წლის 17-წლამდელთა ევროპის ჩემპიონატზე მიიპყრო, როდესაც ვინგერი ტურნირის სიმბოლურ გუნდში მოხვდა მას შემდეგ, რაც ბელგიის ნაკრებთან ერთად ნახევარფინალში გავიდა. მან კარიერა “ლიუვენში” დაიწყო, 2020 წელს კი “ბრიუგეში” გადავიდა, სადაც ბოლო ორ სეზონში უეფას ახალგაზრდულ ლიგაში 14 მატჩი ჩაატარა და 3 გოლი გაიტანა.

სამი სეზონი მეორე დივიზიონში

2023 წელს, სულ რაღაც 15 წლის ასაკში, მისი დებიუტი ბელგიის მეორე დივიზიონში მოასპარეზე “ბრიუგეს” სარეზერვო გუნდში, NXT-ში შედგა. 18 წლის ასაკში “ბარსელონაში” გადმოსვლამდე ბისივუმ ამ გუნდის რიგებში 36 შეხვედრა ჩაატარა და “პირველი გუნდის “ბლაუგრანას” ბელგიელ მოთამაშეთა სიაში თავისი სახელი ვერმალენსა და გოივაერტსს მიუმატა.

ტრანსფერის დეტალები

ფაბრიციო რომანოს ცნობით “ბარსელონამ” 18 წლის შემტევში 8.5 მილიონი ევრო გადაიხადა, მისი მომდევნო ტრანსფერიდან 20% კი “ბრიუგეს” შეხვდება.