ინგლისური “მანჩესტერ სიტის” ჩილელმა მწვრთნელმა, მანუელ პელეგრინიმ პრემიერლიგის მე-12 ტურში “ტოტენჰემის” განადგურების შემდეგ (6:0) განაცხადა, რომ “ქალაქელთა” არგენტინელი თავდამსხმელი, სერხიო აგუერო მსოფლიოს მესამე საუკეთესო ფეხბურთელია, კრიშტიანუ რონალდუსა და ლიონელ მესის შემდგომ. 25 წლის ფეხბურთელმა დღეს დუბლი გაიფორმა.
“აგუერო – ტოპ ფეხბურთელია. რონალდუსა და მესის შემდეგ, აგუერო – მსოფლიოს მესამე საუკეთესო ფეხბურთელია. აგუერო თავს კომფორტულად გრძნობს, რადგან “მანჩესტერ სიტი” ყოველთვის ცდილობს, რომ შემტევი ფეხბურთი ითამაშოს. მისივე თვისებები აძლევს საშუალებას, რომ მან გატანა გააგრძელოს.” – განაცხადა, პელეგრინიმ.
