კატალონიის “ბარსელონას” თავდამსხმელი ზლატან იბრაჰიმოვიჩი ფიქრობს, რომ კლუბს მისი გაყიდვა სურს.
“კლუბის ხელმძღვანელობამ მითხრა, რომ არ აპირებენ ჩემს გაყიდვას, თუმცა მე არ ვიცი რას ფიქრობს მთავარი მწვრთნელი ხოსეპ გვარდიოლა. მას ბოლო ექვსი თვის განმავლობაში მხოლოდ ორჯერ ვესაუბრე. ძალიან მაინტერესებს მისი პოზიცია. “ბარსელონაში” თამაში ძალიან მიხარია. აქ ბედნიერი ვარ და არ მინდა არსად წასვლა, მაგრამ ისეთი შთაბეჭდილება მრჩება თითქოს კატალონიელებს ჩემი თავიდან მოშორება სურთ.” ციტირებს იბრაჰიმოვიჩის სიტყვებს Marca.
როგორც მოგეხსენებათ “ბარსელონა” ბოლო დროს ძალიან დაუახლოვდა იტალიურ “მილანს” და მართავს მათთან რაღაც მოლაპარაკებებს. ზლატანიც სწორედ ამან დააეჭვა.
წყარო: sports.ru
