სატრანსფერო ფანჯრის გახსნასთან ერთად, “ბარსელონას” ფეხბურთელების ირგვლივ ჭორები სულ უფრო აქტიურდება. ამჯერად ევროპული მედიის ყურადღების ცენტრში ფერან ტორესია, რომლის მიმართაც ინტერესს საფრანგეთისა და ევრიპის მოქმედი ჩემპიონი იჩენს.
დი მარციოს ინფორმაცია და პარიზელთა გეგმები
ავტორიტეტული იტალიელი სპორტული ჟურნალისტის, ჯანლუკა დი მარციოს ინფორმაციით, “პარი სენ-ჟერმენი” ფერან ტორესის ირგვლის შექმნილ ვითარებას სერიოზულად აკვირდება. პარიზული კლუბი ესპანელ შემტევს იმ შემთხვევისთვის მოიაზრებს, თუ გუნდს შეტევის ხაზიდან რომელიმე წევრი, კონკრეტულად კი ბრედლი ბარკოლა დატოვებს. ფერანის უნივერსალურობა, სისწრაფე და შეტევის ნებისმიერ პოზიციაზე თამაშის უნარი ლუის ენრიკეს (რომელიც მას ესპანეთის ნაკრებიდანაც კარგად იცნობს) სისტემისთვის საინტერესო კანდიდატად აქცევს.
რა ხდება ფერანის თავს “ბარსელონაში”?
პარიზელთა ინტერესის მიუხედავად, ფერან ტორესის ირგვლივ “ბარსელონაში” ამჟამად საკმაოდ მყარი და პოზიტიური ვითარებაა. ჰანსი ფლიკის ხელმძღვანელობით ესპანელმა განვლილ სეზონში მნიშვნელოვანი პროგრესი განიცადა და ფლანგიდან ცენტრალური თავდამსხმელის პოზიციაზე წარმატებით გადაინაცვლა. მისმა სტატისტიკამ (49 მატჩი, 21 გოლი და 3 საგოლე გადაცემა) ნათლად აჩვენა, რომ ის გუნდისთვის უაღრესად სასარგებლო ფიგურაა.
ამას ემატება ის ფაქტიც, რომ კატალონიური კლუბის ხელმძღვანელობამ ახლახან მისი კონტრაქტის გახანგრძლივების პროცესი გაააქტიურა. მართალია, მოქმედი ხელშეკრულება 2027 წლამდეა ძალაში და კლუბი პარალელურად სხვა მაღალი დონის ცენტრფორვარდების (მაგალითად, ხულიან ალვარესის) დამატებაზეც მუშაობს, თუმცა ფერანს “სპოტიფაი კამპ ნოუზე” საკმარისად დიდი ნდობა აქვს გამოცხადებული.
მოთამაშის ურყევი პოზიცია
რაც შეეხება თავად ფეხბურთელს, მისი პოზიცია ურყევია. მიუხედავად პრემიერ ლიგისა თუ სერია A-ს კლუბების მუდმივი ინტერესისა, ფერანს “ბარსელონას” დატოვება არ სურს. მას სჯერა, რომ ფლიკის სპორტულ პროექტში საკვანძო როლის შესრულება კვლავაც შეუძლია და მისი ერთადერთი მიზანი “ბლაუგრანასთან” ერთად ტიტულების მოგებაა.
შესაბამისად, “პარი სენ-ჟერმენის” ან ნებისმიერი სხვა კლუბის მცდელობა, დაითანხმოს ტორესი ტრანსფერზე, დიდ წინაღობას წააწყდება. ფეხბურთელი სრულად კონცენტრირებულია თავის ამჟამინდელ კლუბზე და “სპოტიფაი კამპ ნოუს” დატოვებას არცერთი ალტერნატივის სანაცვლოდ არ აპირებს.
70 მილიონი თუ გადაიხადეს, კაი იქნება.
გაასხან
კი მაგ ჭკუაზეა ენრიკე ეს იყიდოს :დ:დ ვის დაესიზმრა ნეტა ეს ნიუსი. ნაკრებში ათამაშებდა იმიტო რო სასიძო იყო ამისი :დ მაგის გოგოსაც დაშორდა თუ იყიდის იმიტო რო სკამზე დაალპოს
80 მილიონი მოჯვით და წაიყვანეთ🖕🏿
ძალიან ალოგიკური მგონია;
თანაც ფერანი არც მთლად ეგეთი Q20-ია, მით უფრო ფლიკის ხელში, რომ ადგე და მოიშორო
სიცრუეა არ მგონია რო ეს ვინმეს უნდოდეს 😂😂
თან ბარკოლას შემცვლელად ფლანგზე 😂😂😂😂
შემოსვლის სურვილი ეტყობა არავის აქ, მსოფლიო ათასი თემაა და ჩამკვდარია აქაურობა, რა საიტი რა დონემდე დაეცა, გულდასაწყვეტია ძალიან.
გაყიდეთთთთთ!!! ოღონდ ჯერ არაუხო მოაშორეთ
კარგი იქნება ეს 80-90 ლიმონად რომ შევტენოთ, და ზევიდან არაუხო პროსტა შევუფუთოთ..არ იქნება ცუდი