ატლეტიკომ პედრის, რაფინიასა და იმალის ტრანსფერები დააანონსა

რამდენიმე წუთის წინ მადრიდის “ატლეტიკოს” სოციალურ ქსელებში გამოჩნდა პოსტები, რომლებიც “ბარსელონას” ვარსკვლავების – პედრის, ლამინ იამალისა და რაფინიას მადრიდულ გუნდში გადასვლას აანონსებს.

პოსტების შინაარსი, რა თქმა უნდა, რეალური არაა. “ატლეტიკოს” ამ პოსტებით სურდა ხაზი გაესვა იმისთვის, თუ რამდენად მარტივია სოციალურ ქსელებში მცდარი ინფორმაციის გავრცელება. “როხიბლანკო” ასე მიგვანიშნებს, რომ ხულიან ალვარესის “ატლეტიკოდან” “ბარსელონაში” შესაძლო გადმოსვლის შესახებ გავრცელებული ცნობები სიმართლეს არ შეესაბამება.

“ატლეტიკოს” ოფიციალური განცხადება ლამინ იამალის ტრანსფერზე:

HERE WE GO! ჩვენ გავუგზავნეთ ფაქსი “ბარსელონას” ჩვენი სატრანსფერო შეთავაზებით: 4 ბილეთი Bad Bunny-ის ხვალინდელ კონცერტზე, ABC-ის წლიური გამოწერა და ერთი შეკვრა მზესუმზირა. მოუთმენლად ველით პასუხს, რათა ‘ანონსი’ მოვამზადოთ.

პედრის ტრანსფერზე:

HERE WE GO! ამ მეორე შეთავაზებასთან დაკავშირებით პატარა პრობლემა შეგვექმნა — ხვალინდელი კონცერტის ბილეთები ამოგვეწურა, ამიტომ წინა წინადადებას ვაუმჯობესებთ და კვირის კონცერტის 6 ბილეთს ვამატებთ.

რაფინიას ტრანსფერზე:

და 3-1-ში შეთავაზების დასასრულებლად უკან აღარ დავიხიეთ და ყველაფერზე წავედით: ფეხბურთელი გვიერთდება ერთწლიანი იჯარით და სანაცვლოდ ჩვენ ვთმობთ ტომ ფორდსა და სმითს გამოსყიდვის უფლების გარეშე. შეთავაზება, რომელზეც უარის თქმა შეუძლებელია.