მსოფლიო ჩემპიონატზე “ბარსელონას” კიდევ ერთი ფეხბურთელი მიემგზავრება და, ალბათ, ფართო საზოგადოებისთვის ყველაზე ნაკლებად ცნობილი. თავდამსხმელი ჰამზა აბდელკარიმი, რომელიც “ბარსელონას” 19-წლამდელთა გუნდის წევრია, ამ ზაფხულის ტურნირისთვის ეგვიპტის ნაკრების შემადგენლობაში დასახელდა.
“ბარსელონას” პირველი ეგვიპტელი
აბდელკარიმი 2008 წლის 1 იანვარს დაიბადა. ის “ბარსელონას” ზამთრის სატრანსფერო ფანჯრის დროს, იჯარის წესით შეუერთდა “ალ აჰლიდან”, სეზონის ბოლოს გამოსყიდვის უფლებით, და გახდა პირველი ეგვიპტელი ფეხბურთელი კლუბის ისტორიაში.
ბიუროკრატიული პრობლემების გამო, რამდენიმე თვის განმავლობაში მას თამაშის უფლება არ ჰქონდა. თუმცა, პრობლემების მოგვარების შემდეგ, ის 19-წლამდელთა გუნდში დაარეგისტრირეს, სადაც ჩემპიონატში 7 მატჩი ჩაატარა და 5 გოლი გაიტანა.
მსოფლიო ჩემპიონატის G ჯგუფი
აფრიკული ფეხბურთის ერთ-ერთმა ყველაზე იმედისმომცემმა ტალანტმა თავი უკვე გამოიჩინა ეგვიპტის 17-წლამდელთა ნაკრებში, როგორც აფრიკის ერთა თასზე, ისე მსოფლიო ჩემპიონატზე.
მიუხედავად იმისა, რომ მას 19-წლამდელთა გუნდის მიღმა ჯერ არ უთამაშია, მთავარმა მწვრთნელმა ჰოსამ ჰასანმა ის მსოფლიო ჩემპიონატის განაცხადში შეიყვანა ისეთი ფეხბურთელების გვერდით, როგორებიც არიან მოჰამედ სალაჰი და ომარ მარმუში. ეგვიპტე G ჯგუფში ბელგიასთან, ახალ ზელანდიასთან და ირანთან ერთად იასპარეზებს.
ეს ვინღაა
ამ ბიჭს რაღაც მიზეზების გამო თამაშის უფლება არ ქონდა როგორც წავიკითხე, ბოლოს მიეცა შანსი, 7 თამაშში 5 გოლი და 2 ასისტი მოახერხა. ჰაილაითებით ვერ იმსჯელებ მაგრამ რაღაცნაირად დადებითად განვეწყვე მის მიმართ. მიზეზს ვერ გეტყვით რატომ მგონია, მაგრამ მგონია რომ კარგ ფეხბურთს ითამაშებს
18 წლისაა და კარგი მონაცემები აქვს, ვნახოთ, თუ მუნდიალზე გაიბრწყინა საყიდელი არ გვეყოლება ახალი ამომავალი ვარსკვლავი, ნუ ვაბმობ “თუ”-ს;
ალბათ სარეზერვოდან 2-3 ახალგაზრდას დააწინაურებენ კიდევ
ანუ? თუ ამან მუნდიალზე გაიბრწყინა მომავალ სეზონში ეს და ტორესი გინდა იყოს ჩვენი შეტევა?😕
თუ გაიბრწყინა, ესე იგი ტალანტი ყოფილა და რატომ უნდა ეძებო სხვაგან? ლამინე თუა 18 წლისა, რას ვუწუნებთ? მთავარია გოლის ალღო და სითავხედე ჰქონდეს და კარგა ხანი რომ 9-იანი საძებარი არ გყავს, მისწრება მგონია… თუ ვერა და არის ზამთრის ფანჯარაც…
გეთანხმები მეგობარო.
რატომაც არ უნდა ვცადოთ, თუ ნიჭიერია და ფლიკმა შეატყო პერსპექტივა,იამალმა 15 წლისამ დაიწყო თამაში და კი ვხედავთ რაც ხდება ახლა,
ალვარესს და ოსიმენს არავინ მოგვცემს, ჯობია ეგ ფული მცველებში დავხარჯოთ .
ბალდე და არაუხო გასაყიდია,პლიუს ალბათ კრისტენსენიც წავა,ასე რომ
მცველები საჭიროა
იქით მარცხენა ფლანგისთვის გვინდა სამომავლოდ ვინმე წესიერი.
თუ ვინმე მაგარი დაითრიეს მერე შემტევად საერთოდ რაფინიაც დადგება ცრუ ცხრიანზე
19 წლისა ბარსასთვის უკვე ვეტერანი უნდა ერქვას წესით.
38 წლის ლევანდოვსკის რაღა დავარქვათ თუ 19 წლის ვეტერანი არის )))))))
საღოლ საღოლ საღოლ. ესეიგი კორტეზი დაცვაში და ეს ბიჭი შეტევაში😆 ვსიო გავძლიერდით, გიხაროდენ გიხაროდნენ😀