“ბარსელონას” ბრაზილიელმა მარჯვენა მცველმა, დანი ალვესმა, შესაძლოა, გუნდი მიმდინარე სეზონის ბოლოს დატოვოს. ამის მიზეზი ისაა, რომ კატალონიელებს 30 წლის სამხრეთ ამერიკელისთვის ახალი კონტრაქტი ჯერ არ შეუთავაზებიათ.
ალვესის კონტრაქტს ვადა 2015 წელს გასდის. ESPN-ს მიერ გავრცელებული ინფორმაციის თანახმად, “ბარსა” ბრაზილიელისთვის კონტრაქტის გახანგრძლივებას, ამ ეტაპზე, არ აპირებს. ეს კი იმას ნიშნავს, რომ თუ კატალონიელებს ფეხბურთელის უფასოდ გაშვება არ სურთ, მათ მისი მომდევნო ზაფხულში გაყიდვა მოუწევს.
აქამდე არსებული ინფორმაციით, ალვესის შეძენით “პარი სენ ჟერმენია” დაინტერესებული.