“ბარსელონამ” ლა ლიგის 2025/26 წლების სეზონში შესანიშნავი სტატისტიკა დააფიქსირა. 33 ჩატარებული მატჩის შემდეგ კატალონიური კლუბის აქტივში 85 ქულაა. ცნობილი სტატისტიკური გვერდის, OptaJose-ს მიერ გავრცელებული ინფორმაციის თანახმად, ეს ჩემპიონატის ისტორიაში ერთ-ერთი საუკეთესო მაჩვენებელი გახლავთ.
მიმდინარე სეზონში გამართულ 33 შეხვედრაში გუნდმა 28-ჯერ გაიმარჯვა, 1 მატჩი ფრედ დაასრულა და მხოლოდ 4-ჯერ დამარცხდა.
ესპანეთის ჩემპიონატის ისტორიაში (გამარჯვებაზე სამი ქულის მინიჭების სისტემის პირობებში), 33 ტურის შემდეგ 85-ზე მეტი ქულის მოპოვება აქამდე მხოლოდ ერთხელ მოხდა. აღსანიშნავია, რომ სარეკორდო მაჩვენებელიც თავად “ბარსელონას” ეკუთვნის. კერძოდ, 2010/11 წლების სეზონში კატალონიელებმა ანალოგიურ ეტაპზე 88 ქულა დააგროვეს.
საბოლოოდ მოპოვებული ქულების მხრივ ლა ლიგაში რეკორდი 2011/12 და 2012/13 წლებში დამყარდა. პირველ შემთხვევაში “რეალ მადრიდმა”, ხოლო ერთი წლის შემდეგ “ბარსელონამ” 38 ტურში თავი 100 ქულას მოუყარეს. თუმცა მაშინ 33 ტურის შემდეგ მადრიდელებს 82, ხოლო კატალონიელებს წლევანდლის მსგავსად 85 ქულა ჰქონდათ. დარჩენილი ხუთივე თამაშის მოგების შემთხვევაში ჰანსი ფლიკის გუნდი ისტორიულ რეკორდს გაიმეორებს.
ლიგა აღარ გვაქვს სათამაშო და რატომაც არა
არ გამოვა ეს განმეორება. როცა გაინაღდებენ ჩემპიონობას მერე დაიკიდებენ და ქულებსაც გაანიავებენ.
ოსასუნასთან შემდეგი თამაში ფრე მგონია.
კარგი იქნებოდა, მაგრამ მე კლასიკოს მოგება მეყოფოდა. გინდა ყველა წაგვეგო. ჩემპიონები მაინც გავხდებით.