მოგეხსენებათ, “ბარსელონას” მცველი ერიკ აბიდალი “ლევანტეს” წინააღმდეგ გამართულ ესპანეთის ჩემპიონატის 32-ე ტურის შეხვედრაში ძირითად თერთმეტეულში მოგვევლინა.
ასე რომ, ფრანგი ფეხბურთელი მისი გუნდის სასტარტო შემადგენლობაში მწვანე მინდორზე 2012 წლის 27 თებერვლის შემდეგ პირველად გავიდა, როდესაც “ბარსელონამ” “ატლეტიკო” (2:1) დაამარცხა.
შეგახსენებთ, რომ გასული წლის გაზაფხულზე აბიდალმა ღვიძლის გადანერგვის ოპერაცია გადაიტანა, რომლის შემდეგაც რეაბილიტაციის გრძელვადიანი კურსი გაიარა.
აბიდალი მოედანზე 2013 წლის 7 აპრილს დაბრუნდა, სადაც “ბლაუგრანა” საკუთარ კედლებში “მალიორკას” დაუპირისპირდა და ანგარიშით 5:0 გაანადგურა.



