”ლა რომელადაზე” კატალონიური კლუბის ბურთის ფლობის პროცენტულმა მაჩვენებელმა 64-ს მიაღწია და ეს იყო ”ბარსელონას” მე-300 მატჩი ზედიზედ, როდესაც კლუბი მეტოქეზე დიდხანს ფლობდა ბურთს. ეს ყველაფერი 2008 წლის 7 მაისიდან დაიწყო. ბოლოს ”ბარსას” ამ კომპონენტში მადრიდელებმა აჯობეს და მათი შედეგი 50.5% იყო.
თითოეული მატჩი
იქიდან მოყოლებული, კატალონიელებმა 185 ლა ლიგის, 62 ჩემპიონთა ლიგის, 39 ესპანეთის თასის, 8 ესპანეთის სუპერთასის, 4 საკლუბო ჩემპიონატის და 2 ევროპის სუპერთასის მატჩი ჩაატარეს. ეს ყველაფერი სამი მწვრთნელის: ფრენკ რაიკაარდის (2), პეპ გუარდიოლას (247) და ტიტო ვილანოვას (51) ხელში ხდებოდა.
| სეზონი | ლა ლიგა | ჩემპიონთა ლიგა | ესპანეთის თასი | საკლუბო მსოფლიო ჩემპიონატი | ევროპის სუპერთასი | ესპანეთის სუპერთასი | ჯამური |
| 2007/08 | 2 | 0 | 0 | 0 | 0 | 0 | 2 |
| 2008/09 | 38 | 15 | 9 | 0 | 0 | 0 | 62 |
| 2009/10 | 38 | 12 | 4 | 2 | 1 | 2 | 59 |
| 2010/11 | 38 | 13 | 9 | 0 | 0 | 2 | 62 |
| 2011/12 | 38 | 12 | 9 | 2 | 1 | 2 | 64 |
| 2012/13 | 31 | 10 | 8 | 0 | 0 | 2 | 51 |
| TOTAL | 185 | 62 | 39 | 4 | 2 | 8 | 300 |
რეკორდი – 89%
”ბარსას” ბურთის ფლობის ყველა დროის საუკეთესო შედეგი ამ სეზონში დამყარდა. ეს მოხდა ჩემპიონთა ლიგის ჯგუფურ ეტაპზე, ”სელტიკის” წინააღმდეგ გლაზგოში.
დომინირება ევროპულ ფეხბურთზე
კატალონიელების ცნობილი საფეხბურთო სტილი მთელ ევროპაშია ცნობილი და ამავდროულად, აღიარებული. გუნდის ბურთის ფლობის და პასების რაოდენობის შედეგი ყველა ევროპულ გრანდს 1-2ჯერ ჯაბნის. პასების კატეგორიაში, ”ბარსას’ უახლოესი მდევარია ”ბაიერნი”, რომლის ანგარიშზეც ამ სეზონში 4,595 პასია, მაგრამ ესეც ძალიან შორსაა კატალონიელების 6,588 პასისგან.



