”ბარსელონა” უკვე სარაგოსაში იმყოფება, სადაც დღეს ”ლა რომალედაზე” მანოლო პრესიადოს გუნდს დაუპირისირდება პრიმერას 31-ე ტურის შეხვედრაში. მატარებელი ბარსელონადან 09:50 საათზე გავიდა და სარაგოსაში 11:25 საათზე ჩავიდა.
გუნდის დელეგაციაშია ვიცე-პრეზიდენტი ხოსეპ მარია ბართომეუ, დირექტორი პილარ გიუნოვარტი და სპორტული დირექტორი, ანდონი სუბისარეტა. ვიცე-პრეზიდენტი ჟორდი კორდონერი შაბათის შემდეგ სარაგოსაში იმყოფება, სადაც შეხვედრები ჰქონდა.
სარაგოსაში ჩასვლისთანავე ფეხბურთელები სასტუმრო ”Hotel Reina Petronila”-ში დაბინავდნენ, სადაც შეხვედრის დაწყებამდე დაისვენებენ. შეგახსენებთ, რომ მატჩი ”სარაგოსას” და ”ბარსელონას” შორის თბილისი დროით 21 საათზე დაიწყება.
