სან სებასტიანში “სოსიედადთან” მარცხის შემდეგ, კატალონიის “ბარსელონამ” შეწყვიტა ისტორიული სვლა. ვილანოვას შეგირდებმა გაიმეორეს 2010/11 წლების სეზონში დამყარებული რეკორდი, როდესაც გუნდს შესაძლო 60 ქულიდან 55 ჰქონდა. მე-20 ტურამდე კატალონიელებმა რამდენიმე შესანიშნავი რეკორდი დაამყარეს.
60-დან 55:ტიტო ვილანოვა ვერც კი წარმოიდგენდა, რომ ასეთი სტარტი ექნებოდა პირველივე სეზონში.შესაძლო 60 ქულიდან მის გუნდს 55 აქვს. საწყის 19 შეხვედრაში 18 მოგება და 1 ფრე, რაც მართლაც ფენომენალური შედეგია. უნდა აღინიშნოს, რომ “ბლაუგრანას” ასეთი სტარტი 2010/2011 წლებშიც ჰქონდა და ეს კლუბის რეკორდია.
20 მატჩში 1 მარცხი: თითქმის ასეთი სტარტი ჰქონდა კლუბს 2009/2010 წლებში, როდესაც წაუგებელი 21 შეხვედრის შემდეგ, გუარდიოლას გუნდი “ატლეტიკო მადრიდმა” დაამარცხა. ეს იყო ერთადერთი მარცხი სეზონში.
საუკეთესო შედეგები გასვლით მატჩებში: “ბარსამ” გაიმეორა კიდევ ერთი რეკორდი, რომელიც 2010/2011 წლებში დაამყარა. ტიტოს ბიჭებმა გასვლაზე ჩატარებული 10 თამაშიდან ყველაში გამარჯვება იზეიმეს. “ოსასუნა” (1-2), “ხეტაფე”(1-4), “სევილია”(2-3), “დეპორტივო” (4-5), “რაიო”(0-5), “მალიორკა”(2-4), “ლევანტე”(0-4), “ბეტისი”(1-2), “ვალიადოლიდი”(1-3), “მალაგა”(1-3).
გატანილი გოლების რეკორდი: “ანოეტაზე” ვიზიტამდე “ბარსამ” პირველ წრეში 64 გოლის გატანა შეძლო, რაც საშუალოდ თამაშში 3.37 ბურთს უდრის. გუნდმა გააუმჯობესა 2010/2011 წლების რეკორდი, როდესაც 19 მატჩში 61 გოლი ჰქონდათ გატანილი(3.21 ).
საუკეთესო მესი: არგენტინელმა 28 გოლის გატანა შეძლო პირველ წრეში. აღსანიშნავია, რომ მან 18 ბურთი გასვლით მატჩებში შეაგდო. ცნობისთვის 2009/2010 წლების სეზონში ლეოს გასვლაზე 18 გოლი ჰქონდა, რამდენიც ახლა პირველ წრეში აქვს. მესიმ თუ ასე გააგრძელა, იგი გააუმჯობესებს შარშანდელ სეზონში დამყარებულ რეკორდს(50 გოლი).
