საფეხბურთო კლუბმა “ბარსელონამ” ესპანეთის პრიმერა დივიზიონში ახალი რეკორდი დაამყარა. გუშინდელ მატჩში “სარაგოსასთან” ჩემპიონატის მე-12 ტურში გამარჯვება გუნდისთვის მე-11 აღმოჩნდა 12 ჩატარებულ შეხვედრაში. ეს შედეგი ტურნირის ისტორიაში საუკეთესო სტარტად ითვლება.
წინა საუკეთესო მაჩვენებელი, მადრიდის “რეალის” მიერ იქნა დამყარებული 1968/1969 წლების სეზონში. იმ დროს სამეფო კლუბმა 11 შეხვედრაში შესძლო 10-ჯერ გამარჯვება. იგივე მიღწევის განმეორება მადრიდელებმა კიდევ ერთხელ შესძლეს 1991/1992 წლების სეზონში. თუმცა ამჯერად ისტორიაში საუკეთესო მაჩვენებელი გუშინ შეიცვალა , ახლა საუკეთესო სტარტის ავტორი “ბარსელონაა”.
შემდეგ ტურში კატალონიური კლუბი სტუმრად “ლევანტეს” დაუპირისპირდება.
