“ბარსელონას” სათადარიგო მეკარის, ხოსე მანუელ პინტოს მომავალი კვლავ კითხვის ნიშნის ქვეშაა.
“Mundo Deportivo”–ს ინფორმაციით კატალონიური კლუბი მის მომავალთან დაკავშირებით გადაწყვეტილებას თვის ბოლომდე მიიღებს. შეგახსენებთ, რომ კონტრაქტი “ბარსელონასთან” ესპანელ მეკარეს 2013 წლის 30 ივნისამდე აქვს გაფორმებული.
მიმდინარე სეზონში პინტომ მხოლოდ 1 შეხვედრაში მიიღო მონაწილეობა. ის ესპანეთის სამეფო თასის შეხვედრაში იცავდა გუნდის კარს და გოლი არ გაუშვია.
