18 წლის ფეხბურთელმა, ჟერარდ დეულოფეუმ შესანიშნავად გამოიჩინა თავი პრე-სეზონის მატჩებში “ბარსელონას” ძირითად შემადგენლობაში. ამის შემდეგ კი განაგრძო ახალგაზრდულ გუნდში გაბრწყინება.
სწორედ ეს ყველაფერი გახდა იმის მიზეზი, რომ “ბარსელონამ” გადაწყვიტა თავის ერთ-ერთი საუკეთესოდ აღზრდილი ფეხბურთელისთვის კონტრაქტი გაეხანგრძლივებინა.
დეულოფეუს მიმდინარე კონტრაქტი “ბლაუგრანასთან” კიდევ 2 წელს ითვალისწინებს. “ბარსელონას” სურს გაახანგრძლივოს ხელშეკრულება და ასევე გაზარდოს ფეხბურთელის გამოსასყიდი სატრანსფერო თანხა, რომელიც ამჟამად 10 მილიონ ევროს შეადგენს.
Marca-ს ინფორმაციით მოლაპარაკებები შობამდე გაიმართება.
