გუნდი უკვე ტანგერში იმყოფება. ”ბარსელონას” თვიმფრინავი 13:20 საათზე დაეშვა ტანგერის აეროპორტში, სადაც დღეს ღამით გუნდი პრე-სეზონის მეორე შეხვედრას ჩაატარებს ”რაჯა ატლეტიკთან”.
კლუბის დელეგაციას ხელმძღვანელობდნენ ვიცე-პრეზიდენტები, ხოსეპ მარია ბართომეუ და ჟორდი კარდონერი, ასევე წარმომადგენლები სუსანა მონჟე და ჟორდი მოიჩი. მაროკოში ასევე იმყოფება კლუბის სპორტული დირექტორი, ანდონი სუბისარეტა.
300 გულშემატკივარი აეროპორტში
ფრენა თითქმის 2 საათს გაგრძელდა. გუნდს აეროპროტში დაახლოების 300 გულშემატკივარი ელოდებოდა. შემდეგ გუნდი ”Hotel & Resort Movenpick Tanger”-ში გაემართა, სადაც მატჩის დაწყებამდე დარჩება. გუნდი ბარსელონაში ხვალ დაბრუნდება.
