როგორ შეიცვალა “ბარსა ბ-ს” ფეხბურთელთა სატრანსფერო ფასები?

Transfermakt-მა ცოტა ხნის წინ “ბარსა ბ-ს” ფეხბურთელების განახლებული სატრანსფერო ფასები გამოაქვეყნა.

მონაცემების მიხედვით, ზოგიერთ ფეხბურთელს ფასი საგრძნობლად გაეზარდა, ზოგს კი – პირიქით, შეუმცირდა.

მეორე გუნდის ძირითადი მეკარის, არნაუ ტენასის ღირებულება ერთბაშად სამჯერ, 500 ათასი ევროდან, 1.5 მილიონამდე გაიზარდა.

მილიონიან ნიშნულს მიაღწია ცენტრალური მცველის, არნაუ კომასის, საბაზრო ღირებულებემაც, რომლის ძველი ფასი ტენასის მსგავსად 500 ათასი იყო.

ჩამშლელი ნახევარმცველის, ხანდრო ორელანას, ფასი 4-ჯერ, 500 ათასიდან 2 მილიონამდეა გაზრდილი.

შედარებით მცირედით მოიმატა მარცხენა მცველების, ალეხანდრო ბალდეს, მიკა მარმოლის, ასევე ალვარო სანცისა და ნიკო გონსალესის ფასმაც. Transfermarkt-ის მიხედვით, მათი ღირებულება 300 ათასით გაიზარდა და ახლა 500 ათასია. 

გაზრდის ნაცვლად, შემცირდა ორიოლ ბუსკეტსის, მატეუს პერეირასა და გუსტავო მაიას საბაზრო ღირებულება. პირველი მათგანის ფასი ახლა 2 მილიონი ევროა (500 ათასით ნაკლები), მეორის – 500 ათასი (შემცირდა ამდენივეთი) და უკანასკნელის კი ბუსკეტსისნაირად 2 მილიონი (შემცირდა 1 მილიონით).

გაზრდილი განაცხადის და ხშირი ტრავმიანობის გამო, რონალდ კუმანი “ბარსა ბ-ს” ფეხბურთელებს პირველ გუნდში თამაშის შანსს ხშირად აძლევს, რის გამოც მათი სატრანსფერო ფასი საგრძნობლად იმატებს.