რონალდუს “ბარსელონასთან” თამაში გამოირიცხა

კრიშტიანუ რონალდუს კორონავირუსი ჯერ კიდევ არ დაუმარცხებია, ეს კი იმას ნიშნავს, რომ 28 ოქტომბერს “ბარსელონას” წინააღმდეგ მისი თამაში გამორიცხულია.

კრიშტიანუს კორონავირუსი 13 ოქტომბერს დაუდასტურდა. მალევე გაირკვა, რა შემთხვევაში შეძლებდა ის “ბარსელონას” წინააღმდეგ თამაშს. UEFA-ს წესების თანახმად, აუცილებელია, რომ კორონავირუსით დაავადებულ ფეხბურთელს ტესტი თამაშამდე 1 კვირით ადრე ჩაუტარდეს და უარყოფითი პასუხის მიღების შემთხვევაში, მას მოედანზე გასვლის უფლება ექნება.

თამაში 28 ოქტომბერსაა ჩანიშნული. ერთი კვირით ადრე, ანუ გუშინ, პორტუგალიელმა ტესტი ჩაიტარა. არაერთი სპორტული გამოცემის, მათ შორის Mundo Deportivo-ს ინფორმაციით, ტესტზე პასუხი კვლავ დადებითია, ანუ რონალდუ თამაშს გამოტოვებს.

კრიშტიანუ რონალდუს “ბარსელონას” წინააღმდეგ 33-ჯერ უთამაშია. მის ანგარიშზე 9 მოგება, 9 ფრე, 15 წაგება, 18 გოლი, 11 ყვითელი და 1 წითელი ბარათია.