ინტერვიუ ჟოზეპ მარია ბართომეუსთან

“ბარსელონას” პრეზიდენტმა, ჟოზეპ მარია ბართომეუმ, Cadena Ser-თან ინტერვიუს დროს, არაერთ საინტერესო საკითხზე ისაუბრა. მათ შორისაა ნეიმარის შესაძლო დაბრუნება და უმტიტის კონტრაქტი.

“რა თქმა უნდა, ინიესტას გადაწყვეტილების შესახებ ვიცი, მაგრამ ეს თავად უნდა გაახმოვანოს. ამ ფეხბურთელმა ეპოქა შექმნა. როდესაც ის საუბრს გადაწყვეტს, მაშინ გააკეთებს ამას.

ყველა მშობელი ისურვებდა, რომ ანდრესის მსგავსი შვილი ჰყოლოდა. ის ყველაზე მნიშვნელოვანი ფეხბურთელია, რომელიც ოდესმე გვყოლია.

ჩვენთვის ყველაფერი მნიშვნელოვანია: თასი, ლა ლიგა… დუბლის მოგება საოცნებო იყო მას შემდეგ, რაც ჩვენ გამოვიარეთ. ამ ყველაფერში ძალიან მნიშვნელოვანი პერსონა ვალვერდე იყო.

ტყუილია, თითქოს, ვალვერდეს პოზიცია საფრთხეში იყო. მან თავისი პროექტი ახლახანს დაიწყო. მისით ძალიან კმაყოფილები ვართ.

“რომასთან” წაგების შემდეგ, ვალვერდეში ეჭვი დირექტორთა საბჭოს არაცერთ წევრს არ შეუტანია. კი, ეს ძლიერი მარცხი იყო, მაგრამ ვფიქრობ, გუნდმა ფეხზე წამოდგომა მოახერხა.

“ბარსელონასთვის”, დუბლი ძალიან მნიშვნელოვანია იმის მიუხედავად, “რეალი” ჩემპიონთა ლიგას მოიგებს, თუ არა.

ყველაზე მეტად ის ენთუზიაზმი მომწონს, რომელსაც “ბარსას” ფანებში ვხედავ და მომავალი კიდევ უფრო მეტს გვპირდება.

რობერტ ფერნანდესს კლუბთან კონტრაქტი 30 ივნისამდე აკავშირებს. გადაწყვეტილებას სეზონის დასრულების შემდეგ მივიღებთ. ხორდი კრუიფი? ამ ეტაპზე, მას ჩვენს კლუბში არანაირი თანამდებობა არ აქვს.

ჩვენ, “რეალისთვის”, “სანტიაგო ბერნაბეუზე”, საპატიო დერეფანი გაკეთებული გვაქვს. რატომ არ უნდა გააკეთონ მადრიდელებმა იგივე? რა პრობლემაა, რომ მათ დერეფანი “კამპ ნოუზე” გაგვიკეთონ?

ზაფხულში ჩვენი სატრანსფერო ბიუჯეტი იქნება 60 მილიონ ევროს დამატებული ფეხბურთელების გაყიდვებისგან შემოსული თანხა. ბიუჯეტზე დეტალურად საუბარი არ მიყვარს. შემიძლია დაგარწმუნოთ, რომ ახალი “კამპ ნოუს” პროექტი სატრანსფერო ბიუჯეტზე არ იმოქმედებს.

ნეიმარის წასვლის შემდეგ ფეხბურთლების შეძენა გაგვიჭირდა. ყველამ იცოდა, რომ 222 მილიონი გვქონდა.

ნეამარის დაბრუნება? რა თქმა უნდა, მისი დაბრუნება გამიხარდებოდა.

ალკასერი, ვიდალი და დინი? ფეხბურთელებს ყოველთვის “ლა მასიაში” ვეძებთ, მაგრამ თუ შესაფერის მოთამაშეს ვერ ვპოულობთ, სხვა კლუბებიდან მოგყავს.

უმტიტი? მისი შენარჩუნება გვსურს, მაგრამ ჩვენი სახეფლასო პოლიტიკის გათვალისწინებით.”