რობერტ ლევანდოვსკი

დაბადების ადგილი ვარშავა, პოლონეთი
დაბადების თარიღი 21.08.1988
წონა 81 კგ
სიმაღლე 185 სმ
დებიუტი 13.08.2022
თამაში* 8
გოლი* 11
ასისტი* 2

*ბოლო განახლება: 17.09.22

პოლონელი თავდამსხმელი, რომელიც გოლების გატანის განსაკუთრებული უნარით გამოირჩევა. მეტოქის საჯარიმოში ყოფნის დროს მას ყველა თვისება აქვს იმისათვის, რომ მცველებისთვის არაპროგნოზირებადი მოწინააღმდეგე იყოს. მას გოლის გატანა როგორც ორივე ფეხით, ასევე თავით შეუძლია.

რობერტ ლევანდოვსკის კარგად თამაში საჯარიმოს გარეთაც შეუძლია. ის "ბარსელონას" გოლებსა და გამოცდილებას მოუტანს.

მიუნხენის "ბაიერნში" გატარებული 8 წლის შემდეგ ლევანდოვსკი "ბარსას" 2022 წლის ზაფხულში შემოუერთდა. ამ დროისთვის ის უკვე იყო ჩემპიონთა ლიგის ისტორიაში 5 საუკეთესო ბომბარდირს შორის, ხოლო ბუნდესლიგის ისტორიაში მე-2 საუკეთესო ბომბარდირი.

ლევანდოვსკი 1988 წლის 21 აგვისტოს პოლონეთის დედაქალაქ ვარშავაში დაიბადა. ფეხბურთის თამაში მან ვარშავის "ლეგიაში" დაიწყო, პროფესიონალურ დონეზე რობერტის დებიუტი კი 2006 წელს "ზნიკ პრუშკოვის" შემადგენლობაში შედგა. ამ გუნდში ის საუკეთესო ბომბარდირი 2-ჯერ გახდა, რის შემდეგაც 2008 წელს "ლეხ პოზნანს" მიაშურა.

ლევანდოვსკი პოლონეთის ჩემპიონატის 2009/10 წლების გათამაშების საუკეთესო ბომბარდირი გახდა და "დორტმუნდის" ყურადღება მიიპყრო. გერმანულ გუნდს ის 2010 წლის ზაფხულში შეუერთდა და ქვეყნის ჩემპიონობა ზედიზედ 2-ჯერ იზეიმა. გარდა ამისა მისმა გუნდმა ჩემპიონთა ლიგის ფინალშიც ითამაშა.

"დორტმუნდში" 4 წლის გატარების შემდეგ ლევანდოვსკი გერმანიის საუკეთესო გუნდში, "ბაიერნში" გადავიდა. მიუნხენურ გუნდთან ერთად პოლონელმა გერმანიის ჩემპიონატი ზედიზედ 8-ჯერ მოიგო, 2020 წელს კი ყველა შესაძლო ტიტულს დაეუფლა, მათ შორის ჩემპიონთა ლიგას.

2020 და 2021 წლებში ლევანდოვსკი FIFA-ს ვერსიით მსოფლიოს საუკეთესო ფეხბურთელი გახდა. მის ინდივიდუალურ ჯილდოებში ასევე შედის "ოქროს ბუცი" 2020/21 და 2021/22 წლების სეზონებში, "ოქროს ბურთის" წლის საუკეთესო თავდამსხმელი 2021 წელს, ჩემპიონთა ლიგის საუკეთესო ბომბარდირი 2019/20 წლების სეზონში, უეფას წლის საუკეთესო ფეხბურთელი 2019/20 წლების სეზონში, ბუნდესლიგის საუკეთესო ბომბარდირი 8-ჯერ და მრავალი სხვა.

დიდი ხანია, რობერტ ლევანდოვსკი პოლონეთის ნაკრების ლიდერია. ეროვნული გუნდის მაისურით მას ყველაზე მეტი, 76 გოლი აქვს გატანილი მაშინ, როდესაც მე-2 ადგილზე მყოფი ვლოძიმეჟ ლიუბანსკის აქტივში მხოლოდ 45 გოლია.

ტიტულები

ლეხ პოზნანი
  • პოლონეთის ჩემპიონატი: 2009/10
  • პოლონეთი თასი: 2008/09
  • პოლონეთის სუპერ თასი: 2009
დორტმუნდი
  • გერმანიის ჩემპიონატი (2): 2010/11, 2011/12
  • გერმანიის თასი: 2011/12
  • გერმანიის სუპერ თასი: 2013
ბაიერნი
  • გერმანიის ჩემპიონატი (8): 2014/15, 2015/16, 2016/17, 2017/18, 2018/19, 2019/20, 2020/21, 2021/22
  • გერმანიის თასი (3): 2015/16, 2018/19, 2019/20
  • გერმანიის სუპერ თასი (5): 2016, 2017, 2018, 2020, 2021
  • ჩემპიონთა ლიგა: 2019/20
  • უეფას სუპერ თასი: 2020
  • მსოფლიოს საკლუბო ჩემპიონატი: 2021

სიახლეები ფეხბურთელზე

"ბარსელონას" ყოფილი ფეხბურთელი დავიდ ვილია კატალონიელთა ამჟამინდელ მდგომარეობაზე საუბრობს და "ბლაუგრანას" მომავალს იმედით უყურებს...
ნიდერლანდების ნაკრების მთავარი მწვრთნელი პოლონეთთან ხვალ გასამართი მატჩის წინ მეტოქე გუნდის ლიდერზე, რობერტ ლევანდოვსკიზე საუბრობს და მას მსოფლიოს...
"ბარსელონას" ცენტრალურმა მცველმა, ერიკ გარსიამ, რომელიც ესპანეთის ნაკრებთან ერთად იმყოფება, დღეს პრესკონფერენცია გამართა, რომლიდანაც იმ...
მიმდინარე წლის თებერვალში უკრაინაში რუსული არმიის შეჭრის შემდეგ პოლონელი ხალხი უკრაინას მხარს აქტიურად უჭერს და რა თქმა უნდა, მათ შორისაა ნაკრების...
მიმდინარე სეზონში "ბარსელონას" შემადგენლობაში არაერთი ფეხბურთელი ბრწყინავს, მაგრამ უპირველესად, ალბათ, რობერტ ლევანდოვსკი და პედრი უნდა...
ვეტერანი პოლონელი თავდამსხმელი რობერტ ლევანდოვსკი დღეს "ბარსელონას" მთავარი ვარსკვლავი, ბოლო წლებში კი მსოფლიოს ერთ-ერთი საუკეთესო ფეხბურთელია...
რობერტ ლევანდოვსკი პოლონეთის ნაკრებთან ერთად იმყოფება და ეროვნულ გუნდში სათამაშოდ ემზადება, პრესკონფერენციის დროს კი მას, რა თქმა უნდა, პასუხების გაცემა...