სერხიო ბუსკეტსი

დაბადების ადგილი საბადელი, ესპანეთი
დაბადების თარიღი 16.07.1988
წონა 76 კგ
სიმაღლე 189 სმ
დებიუტი 13.09.2008
თამაში* 685
გოლი* 18
ასისტი* 42

*ბოლო განახლება: 14.09.22

საბადელში დაბადებული, სერხიო ბუსკეტსი,  "ბარსას" ახალგაზრდულ გუნდს 2005 წელს შეუერთდა. ჟუვენილ ა-ში თამაშის განმავლობაში მან სამი ტიტული მოიგო ისეთი ფეხბურთელების გვერდზე, როგორებიც არიან ბოიანი, კროსასი, ჟეფრენი და ჯოვანი.

2006/07 წლების სეზონში ის განაგრძობდა თამაშს ჟუვენილ ა-ში და ალექს გარსიას ერთ-ერთი რჩეული ფეხბურთელი იყო. ახალგაზრდულ გუნდში თამაშის მესამე წელს, ნახევარმცველის პოზიციაზე თამაშის მიუხედავად, მან 26 მატჩში 7 გოლი გაიტანა.

შემდეგ სეზონში ბუსკეტსმა "ბარსა ბ"-ში გადაინაცვლა, რომელსაც უკვე პეპ გვარდიოლა წვრთნიდა. 12 მატჩი საკმარისი აღმოჩნდა, რომ მას გვარდიოლა თავისი თამაშით გაეოცებინა და მას მერე კიდევ 23 მატჩი ჩაატარა. ბუსკეტსმა "ბარსა ბ"-ს მე-2 დივიზიონში დაწინაურებაში დიდი წვლილი შეიტანა.

სერხიომ პირველად "ბარსას" ძირითად გუნდში 2007/08 წლების სეზონში ითამაშა, კატალონიის თასზე. ამავე შეჯიბრზე ითამაშა მან მეორედ "ბარსას" რიგებში 2008/09 წლების სეზონში, ხოლო მისი ოფიციალური დებიუტი ლა ლიგაზე, 2008 წლის 13 სექტემბერს, "რასინგის" წინააღმდეგ შედგა. მან სრული 90 წუთი ითამაშა.

ბუსკეტსი ძირითად გუნდში თამაშის უფრო და უფრო მეტ შანსს იძენდა და ტრიპლეტის შემსრულებელ "ბარსაში" საკმაოდ ცნობილი ფიგურა იყო. თასისა და ჩემპიონთა ლიგის ფინალებში ის ძირითადშიც ვიხილეთ, საერთო ჯამში კი, შეიძლება ითქვას, რომ სერხიომ დიდი ნახტომი გააკეთა, 1 წელიწადში მესამე დივიზიონიდან ტრიპლეტის მფლობელამდე.

2009/10 წლების სეზონში, ბუსკეტსმა თავი გამოიჩინა, როგორც მსოფლიოში ერთ-ერთმა საუკეთესო საყრდენმა ნახევარმცველმა. იაია ტურესთან არსებული სერიოზული კონკურენციის მიუხედავად, მან ლა ლიგაში 33, ჩემპიონთა ლიგაზე 10 და ესპანეთის თასზე 4 თამაში ჩაატარა.

2010/11 წლების სეზონში, ბუსკეტსმა გუნდში თავისი ადგილი შეინარჩუნა და "ბარსელონას" ესპანეთის სუპერ თასის, ჩემიონატისა და ჩემპიონთა ლიგის მოგებაში დაეხმარა.

2011/12 წლების სეზონში, ბუსკეტსმა პროგრესი განაგრძო. მისმა გუნდმა ესპანეთისა და ევროპის სუპერ თასები, ასევე მსოფლიოს საკლუბო ჩემპიონატი მოიგო. ნახევარმცველმა, 52 შეხვედრაში, 2 გოლი გაიტანა. ის სასტარტო შემადგენლობის უცლელი წევრი იყო.

2013/14 წლების სეზონში, სერხიომ 48 თამაში ჩაატარა. მან 3 გოლი გაიტანა, რაც მისთვის საუკეთესო შედეგია. იმ სეზონში, ბუსკეტსმა, "ბარსას" მაისურით, ლა ლიგაში 250-ე, ხოლო ჩემპიონთა ლიგაზე 30-ე თამაში ჩაატარა.

2014/15 წლების სეზონში, ბუსკეტსს, "ბარსელონას" ფორმით, უკვე 300 მატჩში ჰქონდა ჩატარებული. იმ დროს გუნდში მოთამაშე ფეხბურთელებიდან ასეთი შედეგი მხოლოდ ჩავის, ინიესტას, მესისა და ალვესს ჰქონდათ. იმ სეზონში, სერხიომ მონაწილეობა 44 ოფიციალურ შეხვედრაში მიიღო. მან ერთადერთი გოლი გაიტანა, მაგრამ ამ გოლმა გუნდს "ვალენსიასთან" გამართულ მძიმე ბრძოლაში 3 ქულა მოუტანა.

"ბარსაში" კარგი თამაში ბუსკეტსს ესპანეთის ნაკრების მწვრთნელის გულის მოგებაში დაეხმარა. მისი დებიუტი ესპანეთის ნაკრებში 2009 წლის 1 აპრილს შედგა, თურქეთის წინააღმდეგ, და გამარჯვებით, 2-1, დასრულდა. ის ასევე გაემგზავრა 2009 წლის კონფედერაციის თასზე აფრიკაში.

ვისენტე დელ ბოსკე ბუსკეტსს ესპანეთის ნაკრების უცვლელ წევრად განიხილავდა მსოფლიოს 2010 წლის ჩემპიონატზე, რომელიც "ფურია როხამ" მოიგო. სერხიომ მნიშვნელოვანი როლი ითამაშა 2012 წელს, ევროპის ჩემპიონატის მოგებაშიც. 2014 წლის მსოფლიო ჩემპიონატი კი მისი ნაკრებისთვის ნაკლებად წარმატებული გამოდგა. იგივე ითქმის ევროპის 2016 და მსოფლიოს 2018 წლის ჩემპიონატებზე.

სერხიო ბუსკეტსი კარლეს ბუსკეტსის ვაჟია, რომელიც "ბარსელონას" კარს 1990-იან წლებში იცავდა.

ტიტულები

ბარსელონა
  • ესპანეთის ჩემპიონატი (8): 2008/09, 2009/10, 2010/11, 2012/13, 2014/15, 2015/16, 2017/18, 2018/19
  • ესპანეთის თასი (7): 2008/09, 2011/12, 2014/15, 2015/16, 2016/17, 2017/18, 2020/21
  • ესპანეთის სუპერ თასი (6): 2009/10, 2010/11, 2011/12, 2013/14, 2016/17, 2018/19
  • ჩემპიონთა ლიგა (3): 2008/09, 2010/11, 2014/15
  • ევროპის სუპერ თასი (3): 2009, 2011, 2015
  • მსოფლიოს საკლუბო ჩემპიონატი (3): 2009/10, 2011/12, 2015/16
ესპანეთის ნაკრები
  • მსოფლიოს ჩემპიონატი: 2010
  • ევროპის ჩემპიონატი: 2012

სიახლეები ფეხბურთელზე

დღეს სექტემბრის სანაკრებო პაუზის მესამე დღე გვაქვს და საქმეში "ბარსელონას" 7 ფეხბურთელს ვიხილავთ. გთავაზობთ მათი თამაშების განრიგს...
ესპანეთის ნაკრების მთავარმა მწვრთნელმა, ლუის ენრიკემ სექტემბრის თამაშებისთვის გუნდის განაცხადი დაასახელა და როგორც ყოველთვის, ეს ამჯერადაც ორიგინალურად...
Mundo Deportivo-ს ინფორმაციით, მიმდინარე სეზონში მარკ-ანდრე ტერ შტეგენი "ბარსელონას" კაპიტანი იმაზე ხშირად იქნება, ვიდრე მოსალოდნელი იყო...
"ბარსელონას" კაპიტანი სერხიო ბუსკეტსი თანახმაა, კლუბს ახალწვეულების დარეგისტრირებაში ყველანაირად დაეხმაროს, იქნება ეს ხელფასის შემცირება თუ...