რევანშის შანსი – ჩემპიონთა ლიგაზე ბარსას მეტოქე ცნობილია

ჩემპიონთა ლიგის 1/8-ფინალური ეტაპი დასრულდა და ყველა მეოთხედფინალური წყვილი ცნობილია.

ევროპის საუკეთესო 8 გუნდში მოხვედრილი “ბარსელონას” მომდევნო მეტოქე ასევე ესპანური “ატლეტიკო” იქნება, რომელთანაც ჰანსი ფლიკის გუნდს რევანში აქვს ასაღები. საქმე ისაა, რომ ცოტა ხნის წინ “როხიბლანკომ” “ბლაუგრანა” ესპანეთის თასის ფინალს მიღმა დატოვა.

პირველი მეოთხედფინალური თამაში 8 აპრილს ბარსელონაში” განმეორებითი კი 14 აპრილს მადრიდში გაიმართება. მანამდე, 4 აპრილს, ეს გუნდები ერთმანეთს ლა ლიგის ეგიდით დაუპირისპირდებიან. ეს ნიშნავს, რომ “ბარსელონა” “ატლეტიკოს” 10 დღეში 4-ჯერ შეხვდება.