ბარსელონა ლუკას ბერგვალისთვის ბრძოლას განაგრძობს

მატეო მორეტოს ცნობით, “ბარსელონა” ლუკას ბერგვალისთვის ბრძოლას განაგრძობს და უახლოეს დღეებში მხარეებს შორის ახალი მოლაპარაკებები გაიმართება. 

17 წლის შვედ ტალანტს “ბარსა” ძალიან მოსწონს. გავრცელებული ინფორმაციით, “დიურგარდენსი” მის სანაცვლოდ €15 მილიონს მოითხოვს.

ბერგვალი ამპლუით ცენტრალური ნახევარმცველია. ის “ბრომაპოიკარნას” აღზრდილია, “დიურგარდენსში” კი 2023 წლიდან მუშაობს. ლუკასი შვედეთის 19 და 21-წლამდელთა ნაკრებების წევრიცაა (მას არაერთ ასაკობრივ ნაკრებში უთამაშია).

კარიერის განმავლობაში საკლუბო დონეზე ბერგვალის ანგარიშზე 41 მატჩი, 4 გოლი და 2 ასისტია; სანაკრებო დონეზე კი – 9 მატჩი და 3 გოლი.