კატალონიის ექსპრეზიდენტი პასკუალ მარაგალი დღეს “სანტ ხუან დესპის” ბაზას ეწვია და დაესწრო “ბარსელონას” ვარჯიშს, რომელშიც პირველი გუნდის მხოლოდ ოთხი წევრი იღებდა მონაწილეობას.
პასკუალ მარაგალი კატალონიის პრეზიდენტი 2003-2006 წლებში გახლდათ. იგი დღეს “სიუტატ ესპორტივას” ნომერ მესამე ბაზას ეწვია, სადაც პეპ გვარდიოლა პირველი გუნდის 4 და “ბარსა ბ”-ს ფეხბურთელებს ავარჯიშებდა. სესიის დასრულების შემდეგ მარაგალი ესაუბრა გვარდიოლა, ინიესტას, პინტოსა და მაქსველს.
როგორც მთელი კვირის განმავლობაში ხდებოდა, დღევანდელ ვარჯიშზეც პირველი გუნდის მხოლოდ ოთხი წევრი იყო წარმოდგენილი – ინიესტა, მაქსველი, პინტო და ფონტასი. მათ მოედანზე პარტნიორობას “ბარსა ბ”-ს მოთამაშეები უწევდნენ.
კვირის ბოლო ვარჯიში ხვალ, ესპანეთის დროით 10:00 საათზე, “სიუტატ ესპორტივას” ბაზაზე გაიმართება, რის შემდეგაც გუნდი სამ დღეს იუქმებს.
