ბარსელონამ ახალი სეზონისთვის მზადება არსენალთან მარცხით დაიწყო

“ბარსელონამ” 2023/24 წლების სეზონისთვის მზადება მარცხით დაიწყო.

პირველ ამხანაგურ მატჩში ჩავის გუნდი “არსენალს” დაუპირისპირდა. ლონდონელებთან შეხვედრის პირველ ტაიმში “ბლაუგრანა” ორჯერ იგებდა, მაგრამ საბოლოოდ ანგარიშით 3-5 დამარცხდა.

ანგარიში მე-7 წუთზე გაიხსნა, როდესაც აბდე ეზალზულის კარგი თამაშის შემდეგ თავი რობერტ ლევანდოვსკიმ გამოიჩინა. ექვს წუთში ბუკაიო საკამ ანდრეას კრისტენსენის შეცდომით ისარგებლა და ანგარიში გაათანაბრა. 22-ე წუთზე რონალდ არაუხომ ხელით ითამაშა, რასაც თერთმეტმეტრიანი მოჰყვა, რომელიც საკამ არაზუსტად დაარტყა. 34-ე წუთზე რაფინიამ საჯარიმო დარტყმიდან ბურთი კარში გაუშვა, რასაც ასხლეტა და გოლი მოჰყვა. ტაიმის მიწურულს კი კაი ჰავერცმა გაიტანა და შესვენებაზე გუნდები საყაიმო შედეგით გავიდნენ.

მეორე ტაიმში ჩავიმ შემადგენლობა სრულად შეცვალა.

შეხვედრის 56-ე და 78-ე წუთებზე ლეანდრო ტროსარმა დუბლი შეასრულა. 88-ე წუთზე ფერან ტორესმა ერთი ბურთი კი გაქვითა, მაგრამ ორ წუთში ფაბიუ ვიეირას ძალიან კარგი დარტყმის წყალობით “არსენალმა” მაინც ორი ბურთის სხვაობით მოიგო.