რობერტ ლევანდოვსკიმ ბარსელონაში რეკორდების დამხობა უკვე დაიწყო

გუშინ, “ელჩესთან” მოგებულ მატჩში რობერტ ლევანდოვსკიმ დუბლი შეასრულა და “ბარსელონაში” რეკორდების დამხობა უკვე დაიწყო.

პოლონელმა გუნდში დიდი ხალისი შემოიტანა და ეჭვი არავის ეპარებოდა, რომ გოლებს გაიტანდა – “ელჩესთან” მატჩის შემდეგ მას უკვე 6 შეხვედრაში 8 გოლი (საშუალოდ 1.33 გოლი მატჩში) დაუგროვდა.

Sport-ის ინფორმაციით, ლევანდოვსკიმ ლადისლაო კუბალას რეკორდი დაამხო, რომელსაც “ბარსას” მაისურით ჩატარებულ პირველ 6 მატჩში საკუთარ აქტივში 7 გოლი ჰქონდა. 5 მათგანი კი უნგრელმა “სელტასთან” 6-1 მოგებულ შეხვედრაში გაიტანა. 

აღსანიშნავია, რომ ლა ლიგაში, პირველ 6 მატჩში 7 გოლიც კი 1997 წლის შემდეგ არავის გაუტანია. მაშინ ეს შედეგი “ატლეტიკოს” იტალიელ ფეხბურთელ კრისტიან ვიერის ჰქონდა.