ჟიულ კუნდეს პრეზენტაცია/პრესკონფერენცია

ბედნიერი ვარ, რომ დიდ გუნდში გადმოვედი. პრეზიდენტი, ისევე, როგორც ფანები, შესანიშნავია. მხოლოდ ის დაგვრჩენია, რომ ვივარჯიშოთ და მოვიგოთ.

რამდენიმე თვეში, შევეცდები, კატალონიურად ვისაუბრო.

მოგესალმებით, ჟიულ!

მადლობა იმ ძალისხმევისთვის, რომელიც გაიღე. მოგვწონს მოთამაშეები, რომლებსაც “ბარსაში” გადმოსვლა სურთ. შენ ჩვენ დაგველოდე.

მატეუ ალემანის, ჟორდი კრუიფსა და რაფა იუსტეს ამ ტრანსფერს ვულოცავ.

ჩავის შენი მოყვანა ძალიან უნდოდა. 

დარწმუნებული ვარ, საკუთარ დონეს გვაჩვენებ და აქ წარმატებული იქნები. 

კლუბისთვის მნიშვნელოვანი დღეა, რადგან დიდებული ფეხბურთელი მოვიყვანეთ.

კუნდე “ბარსელონაში” გადმოსვლის სურვილს ყოველთვის გამოხატავდა. ეს შესანიშნავი ტრანსფერია.

ჩავის მისი მოყვანა ძალიან უნდოდა. ბედნიერები ვართ.

გვჯერა, რომ ახალწვეულების დარეგისტრირებას შევძლებთ. ფეხბურთელების გაშვებაზე ვმუშაობთ, მაგრამ ეს მარტივი არაა. ტრანსფერებით კმაყოფილი ვარ.

მესიზე ახლა კომენტარს არ გავაკეთებ, მომავალში – ვნახოთ.

სატრანსფერო ფანჯრის დახურვამდე, შესაძლოა, ფეხბურთელები კიდევ დავიმატოთ.

Barça Studios-ის 25%-ს €100 მილიონად გავყიდეთ.

სხვა კლუბები “ბარსაზე” საუბრობენ და შეუძლიათ, ასე გააგრძელონ, ჩვენ კი მუშაობს განვაგრძობთ.

“სევილიას” დიდ პატივს ვცემთ. მათ თავიანთი საქმე შესანიშნავად შეასრულეს. ჩვენ დიდებული ურთიერთობა გვაქვს.

“ბაიერნი”? ჩვენ საკუთარ საქმეს ვაკეთებთ და ყველას აქვს უფლება, რაც უნდა, ის თქვას. ჩვენ ჩვენს გეგმას მივყვებით და კონკურენტუნარიან გუნდს ვაყალიბებთ.

ბერნარდუ სილვა? ჯერ ახალწვეულები უნდა დავარეგისტრიროთ, შემდეგ კი ვნახავთ, რისი გაკეთება შეიძლება. მწვრთნელს ტრანსფერები კიდევ სურს.

ჩავისთან საუბარი შესანიშნავი იყო. ყოველთვის ვგრძნობდი, რომ ის მაფასებდა. მწვრთნელის ასეთი ძლიერი სურვილი, რომ “ბარსაში” გადმოვბარგებულიყავი, ჩემთვის ძალიან მნიშვნელოვანი იყო.

ერნანდესმა მითხრა, რომ ისე გავაგრძელო, როგორც “სევილიაში”: ვიყო აგრესიული, ბურთით კარგად ვიმოქმედო და კლუბის მოთხოვნებს მივყვე.

მართალია, რომ სხვა ვარიანტიც მქონდა, მაგრამ “ბარსელონას” დაველოდე, რომ “სევილიასთან” შეთანხმებისთვის მიეღწია. “ჩელსიში” გადასვლა შემეძლო, მაგრამ, როცა ეს შესაძლებლობა გაჩნდა, “ბარსა” ავირჩიე, რადგან კლუბს ბრწყინვალე პროექტი აქვს.

მინდა, ყველას მადლობა გადავუხადო, ვინც ასე კარგად მიმიღო. დიდ გუნდში ვიმყოფები და ძალიან ამბიციური ვარ.

ლა ლიგაში თამაშის გამოცდილება ადაპტაციის პროცესს გამიადვილებს, მაგრამ, პირველ რიგში, “ბარსას” სტილს უნდა მოვერგო.

კონკურენცია გუნდისთვის კარგია, ჩემთვის კი – გამოწვევა. ჯერ კიდევ ახალგაზრდა ვარ და უნდა განვვითარდე. აქ იმისთვის ვარ, რომ გუნდს ნებისმიერ დროს დავეხმარო.

წამსვლელები? თავისი სიტუაცია ყველამ იცის. ამაზე ვმუშაობთ და ვცდილობთ, საუკეთესო გამოსავალი ვიპოვოთ. დრო გვჭირდება.

კუნდეს აგენტი ყოველდღე გვირეკავდა, რომ Fair Plays-ს წესებზე გაეგო, რადგან ჟიულს “ბარსაში” გადმოსვლა სურდა. მას ვთხოვე, რომ აღარ დაერეკა, რადგან არ ვიცოდი, რა მეპასუხა. როცა მეორე ბერკეტი გავააქტიურეთ, აგენტს სხვა კლუბთან შეთანხმება თითქმის მიღწეული ჰქონდა, მაგრამ ჟიულს მხოლოდ “ბარსელონა” უნდოდა და დაგველოდა.

ბალდე? კარგია, როცა ახალგაზრდა ფეხბურთელი ვითარდება, ალეხანდრომ კი ამერიკულ ტურნეზე პროგრესი ნამდვილად განიცადა. საბოლოოდ, ყველაფერს ჩავი გადაწყვეტს.

არავის ვებრძვით, უბრალოდ, ვცდილობთ, ფეხბურთელები დავარწმუნოთ და, როცა ამას ვახერხებთ, – შეთანხმებას მივაღწიოთ. “ჩელსისთან” კარგი ურთიერთობა გვაქვს და მის მფლობელთან ვივახშმეთ.