ბარსელონას გოგოები ჩემპიონთა ლიგის ნახევარფინალში გავიდნენ | ვიდეო

ცოტა ხნის წინ დასრულდა “ბარსელონასა” და “რეალს” შორის გამართული, ჩემპიონთა ლიგის მეოთხედფინალის განმეორებითი მატჩი, რომელშიც კატალონიელებმა 5-2 იმარჯვეს. 

შეხვედრის ანგარიში მე-8 წუთზე მაპი ლეონმა ულამაზესი გოლით გახსნა, თუმცა, ოლგა კარმონამ პენალტის ნიშნულიდან წონასწორობა აღადგინა და გუნდები შესვენებაზე საყაიმო ანგარიშით, 1-1 გავიდნენ.

მეორე ტაიმში “ბარსას” გოგონებმა თავიანთი ძალა აჩვენეს – მიუხედავად იმისა, რომ კლაუდია სორნოსამ მადრიდელები დააწინაურა, “ლურჯ-ბროწეულისფერებმა” მეტოქეს კიდევ 4 გოლი გაუტანეს: 55-ე წუთზე აიტანა ბონმატიმ ანგარიში კვლავ გაათანაბრა, 3 წუთში კლაუდია პინამ “ბლაუგრანა” წინ გაიყვანა, შემდეგ კი თავი ალექსია პუტელიასმა (62′) და კაროლინ ჰანსენმაც (70′) გამოიჩინეს და “ბარსამ” 5-2 მოიგო.

ორი მატჩის ჯამში “ბარსელონამ” “რეალი” 8-3 დაამარცხა და ჩემპიონთა ლიგის ნახევარფინალში გავიდა.