მიუხედავად იმისა, რომ სერჟი რობერტოს ჯანმრთელობის მდგომარეობასთან დაკავშირებით ბოლო დღეებში პოზიტიური ცნობები ვრცელდებოდა, კატალონიური TV3-ის ინფორმაციით, “ბარსელონას” 29 წლის ფეხბურთელი კატალონიურ დერბიში მონაწილეობის მიღებისთვის მზად არ არის.
დიდი ალბათობით, რობერტო “ბარსას” “ესპანიოლის” წინააღმდეგ ვერ დაეხმარება და მოედანზე დაბრუნებას მხოლოდ სამი დღის შემდეგ, “ბენფიკასთან” მატჩისთვის შეძლებს. როგორც ცნობილია, “ბლაუგრანას” მწვრთნელის რანგში ჩავი ერნანდესის სადებიუტო შეხვედრას პედრი გონსალესიც გამოტოვებს.
კუნთის დაზიანების გამო სერჟი რობერტომ მონაწილეობა “ბარსელონას” ბოლო 3 შეხვედრაში ვერ მიიღო და სანაკრებო პაუზის დროს ესპანეთის ეროვნულ გუნდსაც ვერ დაეხმარა.
“ბარსა” ლა ლიგის მე-14 ტურში “ესპანიოლს” ხვალ დაუპირისპირდება. მატჩი “კამპ ნოუზე” თბილისის დროით 23:55 საათზე დაიწყება.
3-4 წლის წინ ამაზე იძახდნენ ინიესტას და ბუსკეტსის მერე საუკეთესო ნახევარმცველია გუნდშიო,ინგლისური გუნდები იხდიდნენ 50-60 მილიონს და არ გავუშვით😕
ვინც ეს კაპიტნად დააყენა იმის ჭკუაში ჩამახედა ერთი, ამის კაპიტნობას შტეგოს ეკაპიტნა, რამდენი ხანია თან ბარსაშია, რობერტო კი ამ ზამთარში ნიუკასლს შევტენოთ სხვა 29 წლის ,,პერსპექტიულ" მოთამაშეებთან ერთად
წავიდეს ამას ურჩევნია, ხელფასს არ იკლებს და ვარსკვლავებს ვერ წყვეტს ციდან, კაპიტანი კია, მაგრამ კაპიტნის არჩევას რა უნდა.
ესეთი კაი ამბავი დღეს არც გამიგია 🙂 ნეტა სულ ლაზარეთში იყოს ეს, რადგან გუნდისთვის უკეთესია ამის მოედნის გარეთ ყოფნა