როგორი იქნება კამპ ნოუ ელ კლასიკოსთვის

სეზონის პირველი “ელ კლასიკო” 24 ოქტომბერს, თბილისის დროით 18:15 საათზე გაიმართება.

“ბარსელონას” ოფიციალური საიტის ინფორმაციით, ამ მატჩისთვის “კამპ ნოუს” განსაკუთრებული მოზაიკა ექნება – სტადიონზე ვიხილავთ ბანერს, წარწერით, ‘Barça, ara i sempre’ (“ბარსა” ახლა და სამუდამოდ”).

ასევე, “კამპ ნოუზე” კიდევ ერთი ბანერი – წარწერით ‘Som-hi culers’ (“წინ, კულეებო”) – განთავსდება.

ეს ყველაფერი აგრძელებს ტრადიციას, რომელიც დიდ მატჩებში მსგავს მესიჯებს გულისხმობს. Covid-19-ის გამო, ბოლო ასეთი შემთხვევიდან თითქმის 2 წელი გავიდა – 2019 წლის 18 დეკემბერს გამართული “ელ კლასიკო” უგოლოდ დასრულდა.