როტაციის დრო აღარაა | 3 შესაძლო სქემა ვალენსიასთან

“გრანადასთან” დაშვებული შეცდომებისა და გადახალისებული შემადგენლობის შემდეგ რონალდ კუმანი “ვალენსიასთან” ნაკლები ექსპერიმენტის ჩატარებას შეეცდება და უფრო ნაცად თერთმეტეულზე გააკეთებს აქცენტს. 

ქვემოთ 3 სავარაუდო სასტარტო შემადგენლობას განვიხილავთ, რომელიც ნიდერლანდელმა სპეციალისტმა, შესაძლოა, ღამურებთან გამოიყენოს.

ვარიანტი N1

იქიდან გამომდინარე, რომ “ბარსას” დარჩენილ ხუთივე თამაშში გამარჯვება ესაჭიროება, რონალდ კუმანისათვის უმჯობესი იქნება, თუ სწორედ იმ თერთმეტეულზე შეაჩერებს არჩევანს, რომელსაც ბოლო 2 თვის განმავლობაში სტაბილურად იყენებდა.

ვარიანტი N2

მას შემდეგ რაც მინგესას რონალდ კუმანთან უთანხმოება მოუვიდა, “გრანადასთან” შეხვედრაშიც პირველი გოლი სწორედ მის შეცდომას მოჰყვა. ასე რომ, არ იქნება გასაკვირი, თუ მის ნაცვლად რონალდ არაუხოს ვიხილავთ. 

შემტევ ზონაში უსმან დემბელეს დაბრუნებაც არ უნდა გამოვრიცხოთ, ნახევარდაცვაში კი – სერჟი რობერტო და მორიბა საწყის თერთმეტეულში კიდევ ერთხელ მოხვდებიან.

ვარიანტი N3

წინა მატჩში 3-5-2 ტაქტიკის დროს “ბარსელონას” საგოლე მომენტების შექმნა ძალიან უჭირდა. ამიტომ, შესაძლოა, “ვალენსიასთან” 3-4-3 ფორმაცია ვიხილოთ. ამ შემთხვევაში პედრი კვლავ სათადარიგოთა სკამზე აღმოჩნდება, შეტევაში უსმან დემბელეს ჩართვის შემთხვევაში კი მას გრიზმანის ჩანაცვლება აღარ მოუწევს.

ლა ლიგის 34-ე ტურის შეხვედრა “მესტალიაზე” ხვალ, თბილისის დროით 23:00-ზე დაიწყება და პირდაპირ რეპორტაჟს სილქ უნივერსალი შემოგთავაზებთ.