კიდევ ერთი სეზონი მიუახლოვდა დასასრულს. “ბარსელონას” წინ 6 ძალიან მნიშვნელოვანი თამაში ელის, რომელთა წარმატებით ჩატარების შემთხვევაშიც “ბლაუგრანა” ესპანეთის საუკეთესო გუნდის წოდებას მოიპოვებს. გადამწყვეტი გარბენის დროს კი ფეხბურთელების ფიზიკური მომზადება ძალიან მნიშვნელოვანია.
ბოლო ორ თამაშში გამოჩნდა, რომ პედრი გადაღლილია და მოსალოდნელია, რომ ის ხვალ “გრანადასთან” დაისვენებს. ამ სტატიაში კი გიჩვენებთ, თუ რომელმა ფეხბურთელმა ითამაშა მიმდინარე სეზონში ყველაზე მეტი.
- ფრენკი დე იონგი — 46 თამაში, 4,058 წუთი
- ლიონელ მესი — 42 თამაში, 3,742 წუთი
- ჟორდი ალბა — 43 თამაში, 3,702 წუთი
- მარკ-ანდრე ტერ შგეგენი — 37 თამაში, 3,450 წუთი
- ანტუან გრიზმანი — 45 თამაში, 3,392 წუთი
- კლემან ლანგლე — 44 თამაში, 3,345 წუთი
- პედრი — 47 თამაში, 3,239 წუთი
- სერხიო ბუსკეტსი — 44 თამაში, 3,045 წუთი
- ოსკარ მინგესა — 35 თამაში, 2,618 წუთი
- სერჟინიო დესტი — 36 თამაში, 2,471 წუთი
- უსმან დემბელე — 39 თამაში, 2,424 წუთი
- რონალდ არაუხო — 28 თამაში, 1,872 წუთი
- მარტინ ბრეითუეიტი — 39 თამაში, 1,643 წუთი
- ჟერარ პიკე — 19 თამაში, 1,499 წუთი
- მირალემ პიანიჩი — 28 თამაში, 1,275 წუთი
- ფრანსიშკუ ტრინკაუ — 39 თამაში, 1,235 წუთი
- სერჟი რობერტო — 16 თამაში, 1,039 წუთი
- ნეტუ — 11 თამაში, 1,020 წუთი
- ჟუნიორ ფირპო — 17 თამაში, 819 წუთი
- ფილიპე კოუტინიო — 14 თამაში, 792 წუთი
- სამუელ უმტიტი — 14 თამაში, 693 წუთი
- ანსუ ფატი — 10 თამაში, 596 წუთი
- რიკი პუჩი — 21 თამაში, 497 წუთი
- ილაიშ მორიბა — 13 თამაში, 386 წუთი
- კარლეს ალენია — 5 თამაში, 170 წუთი
- კონრად დე ლა ფუენტე — 3 თამაში, 36 წუთი
- მატეუს ფერნანდესი — 1 თამაში, 17 წუთი
როგოც ხედავთ, იმის მიუხედავად, რომ პედრიმ მონაწილეობა ყველაზე მეტ თამაშში მიიღო და მან მხოლოდ ერთხელ დაისვენა, ჩატარებული წუთების მიხედვით ის მხოლოდ მე-7 ადგილზეა. პირველზე კი დე იონგია, რომელსაც მეორე ადგილზე მყოფ მესისთან 316 წუთი, ანუ 3.5 თამაში აშორებს.
საინტერესოა ოსკარ მინგესას შემთხვევა. მას დებიუტი ნოემბერში ჰქონდა, მაგრამ ჩატარებული წუთების მიხედვით მაინც მე-9 ადგილზეა. უფრო მცირე დროში მან 3-ჯერ მეტი თამაშის ჩატარება მოასწრო, ვიდრე მაგალითად ჟუნიორ ფირპომ, ან 2-ჯერ მეტის, ვიდრე მირალემ პიანიჩმა.
ყველაზე ნაკლები კი მატეუს ფერნანდესმა ითამაშა – ერთი მატჩში 17 წუთი.
პედრი პუჩის როტაცია ორივესთვის კარგი იქნებოდა.ტრინკაუც უფრო ხშირად უნდა ათამაშოს
ვეტერანებს ალბას მესის და გრიზმანს მეტი აქვთ ნათამაშევი და პედრი რამ გადაღალა 18 წლისაა ალბა მითუმეტეს ცხენივით დარბის მთელ ფლანგზე ხან 40-50 მეტრიანი აჩქარებებით
კონრად დე ლა ფუენტე და მატეუს ფერნანდესი მაგარი გადაღლილები ყოფილან დავასვენოთ პატარა. მესის სეზონის დასაწყისში ტრავმა ქონდა და იმიტომ აქვს ნაკლები, და იმიტომ მივხოხიალობდით სეზონის დასაწყისში ცხრილის შუაგულში, როცა ატლეტიკოს უკვე ულოცავდნენ ჩემპიონობას.
პედრი მარტო ჩონჩხი დარჩა სული აღარ უდგას საწყალს. გრანადასთან აუცილებლად დასასვენებელია, პიანიჩმა ტრავმა თუ მაიშუშა ითამაშოს მემგონი დიდად არაფერს გააფუჭებს.
დე იონგს ყოჩაღ უბრალოდ , ცალკე ნაკრებშიც ძირითადში იყო , რაც მთავარია ხარისხს არ აგდებს , ნუ ვილიარეალთან კი გაფლანგა მომენტები , მაგრამ მთლიანობაში უკვე შეიძლება ითქვას , რომ ერთ-ერთი საკვანძო მოთამაშეა