კუმანის ეფექტი: ბარსელონა ბოლო ათწლეულის რეკორდის ზღვარზე

აშკარაა, რომ რონალდ კუმანის გავლენა “ბარსელონას” დაცვას დაეტყო. “ლურჯ-ბროწეულისფერთა” გუნდის დაცვამ ამ სეზონში ყველა ტურნირში 17 გოლის გატანა მოახერხა და ბოლო ათწლეულის რეკორდის ზღვარზეა – კატალონიელებმა ასეთი შედეგი ბოლოს 2014/15 წლებში დააფიქსირეს. 

“ბლაუგრანას” ყველა მცველმა, გარდა სამუელ უმტიტისა, მეტოქის კარში გოლის გატანა შეძლო:

• ჟორდი ალბა – 5 გოლი;
• სერჟინიო დესტი – 3 გოლი;
• ოსკარ მინგესა – 2 გოლი;
• ჟერარ პიკე – 2 გოლი;
• რონალდ არაუხო – 2 გოლი;
• კლემან ლანგლე – 1 გოლი;
• ჟუნიორ ფირპო – 1 გოლი;
• სერჟი რობერტო – 1 გოლი.

სეზონის ბოლომდე 7 შეხვედრაა დარჩენილი, ამიტომ სავსებით შესაძლებელია, რომ კატალონიურმა კლუბმა თავისი ბოლო ათწლეულის რეკორდი მოხსნას.