ვილიარეალი-ბარსელონა – შემადგენლობა ცნობილია

რონალდ კუმანმა დღეს “ვილიარეალთან” გასამართი მატჩის სასტარტო შემადგენლობა დაასახელა.

კითხვის ნიშნის ქვეშ რამდენიმე პოზიცია იყო: იქნებოდა თუ არა სასტარტოში ოსკარ მინგესა წინა მატჩში ინციდენტის შემდეგ; მარჯვენა ნახევარმცველი სერჟინიო დესტი იქნებოდა, თუ ისევ სერჟი რობერტო; გარისკავდა თუ არა კუმანი ახლადგამოჯანმრთელებული დემბელეს ძირითადში დაყენებას.

საბოლოოდ ისე მოხდა, რომ “ხეტაფესთან” მოგებული თამაშის შემდეგ შემადგენლობაში მხოლოდ ერთი ცვლილება ვიხილეთ – სერჟი რობერტოს ნაცვლად მოედანზე სერჟინიო დესტი იქნება.

“ბარსელონას” შემადგენლობა ასეთია: ტერ შტეგენი, მინგესა, პიკე, ლანგლე, დესტი, ალბა, ბუსკეტსი, დე იონგი, პედრი, მესი, გრიზმანი.

თამაში 18 საათსა და 15 წუთზე დაიწყება. პირდაპირ რეპორტაჟს სილქ უნივერსალი და Silksport.ge წარმოგიდგენთ.