ოფიციალურად: პაუ გასოლი “ბარსელონაში” ბრუნდება

ლეგენდარული ესპანელი კალათბურთელი, პაუ გასოლი “ბარსელონაში” ბრუნდება. 40 წლის კალათბურთელმა ამის შესახებ საკუთარი Twitter-ის გვერდზეც დაწერა. ინფორმაცია უკვე დაადასტურა “ბარსას” საკალათბურთო გუნდის ოფიციალურმა Twitter-ის გვერდმაც. 

გასოლის უკანასკნელი კლუბი ნაციონალურ საკალათბურთო ასოციაციაში “პორტლენდი” გახლდათ, საიდანაც ის 2019 წელს წამოვიდა. გასოლი “ბარსელონას” ღირსებას 1999-2001 წლებშიც იცავდა.

ნაციონალური საკალათბურთო ასოციაცია (NBA)

გასოლმა ამერიკის ნაციონალურ საკალათბურთო ასოციაცია (NBA) თითქმის 20 წელი ითამაშა, სხვადასხვა დროს იგი “მემფისის” (2001-2008), “ლეიკერსის” (2008-2014), “ჩიკაგოს” (2014-2016), “სან ანტონიოსა” (2016-2019) და “მილუოკის” (2019) ღირსებას იცავდა. გასოლმა 2009 და 2010 წლებში “ლოს ანჯელეს ლეიკერსთან” ერთად NBA მოიგო, ესპანეთის ნაკრებთან ერთად კი ერთხელ მსოფლიოს, სამჯერ კი ევროპის ჩემპიონობა იზეიმა. ესპანელმა 6-ჯერ ითამაშა “ყველა ვარსკვლავის მატჩი” (NBA All-Star Game) – 2006, 2009, 2010, 2011, 2015 და 2016 წლებში.  

100-ზე მეტი მატჩი “ბარსელონაში” 

გასოლმა “ბარსაში” პირველი სამი თამაში 1998/1999 სეზონში ჩაატარა, 1999/2000 სეზონი კი აიტო გარსია რენესესის ხელმძღვანელობით მისი აღზევება იყო, მან ორჯერ მოიგო ქვეყნის პირველობა (1999 და 2001 წლებში), ესპანეთის თასი (2001), საერთო ჯამში კი 108 ოფიციალური მატჩი ჩაატარა.

🔝💥 @PauGasol is coming back to @FCBbasket!

— Barça Basket (@FCBbasket) February 23, 2021

Very happy to come back home.⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
Força Barça! 🔵🔴 pic.twitter.com/6CewIY2Bil

— Pau Gasol (@paugasol) February 23, 2021