“გრანადა”-“ბარსელონას” მსაჯის ვინაობა ცნობილია

ესპანეთის ფეხბურთის ფედერაციის გადაწყვეტილებით “გრანადა”-“ბარსელონას” ხვალ გასამართ შეხვედრას 37 წლის არბიტრი, ხოსე მარია სანჩეს მარტინესი გაუძღვება. 

სანჩეს მარტინესი, რომელიც წინა სეზონში ქვეყნის მასშტაბით საუკეთესო მსაჯად დასახელდა, მიმდინარე სეზონში “ბლაუგრანას” მეორე მატჩს განსჯის – პირველი “რეალ სოსიედადთან” ლა ლიგის მე-19 ტურის შეხვედრა იყო, რომელიც რონალდ კუმანის გუნდის გამარჯვებით 2-1 დასრულდა. 

“გრანადასა” და “ბარსას” დაპირისპირება თბილისის დროით 23:55 საათზე დაიწყება. ერთმატჩიან დუელში გამარჯვებულს თასის ნახევარფინალში ვიხილავთ.