ნახევარმცველების შანსები კუმანის კომენტარის შემდეგ

 გასულ კვირას, გრანადასთან მოგების შემდეგ რონალდ კუმანმა პრესასთან ისაუბრა. მისი ერთ-ერთი კომენტარი ნახევარმცველებსაც შეეხო:

-თქვა კუმანმა

ახლა კი გთავაზობთ Tribuna-ს ანალიზს, სადაც ნაჩვენებია, თუ რა შანსები აქვთ “ბლაუგრანას” მოთამაშეებს ზემოხსენებული მაჩვენებლის მისაღწევად.

პედრი

• ამ სეზონში ჩვენმა ვუნდერკინდმა 3 გოლი გაიტანა და 2 საგოლე გადაცემაც მიითვალა. საშუალოდ ერთ მატჩში პედრის კარისკენ დარტყმის მაჩვენებელი 0,75-ია.
• პედრიმ ლას პალმასში სადებიუტო სეზონში 4 გოლის გატანა მოახერხა, გარდა ამისა გააკეთა 7 ასისტი.

შანსი: 75%

პედრის საწყისი ნიშნები საოცარია. იგი ყოველ მატჩში პროგრესს განიცდის, გარდა ამისა კარგად უგებს ლეო მესის. არგენტინელი კაპიტანი, შესაძლოა, პედრის გოლების გატანაში ერთ-ერთი მთავარი დამხმარე ძალა აღმოჩნდეს.

ფრენკი დე იონგი

• ჰოლანდიელმა ამ სეზონში 2 გოლი გაიტანა და 3 ასისტი გააკეთა. საშუალოდ ერთ მატჩში დე იონგის კარისკენ დარტყმის მაჩვენებელი 0,40-ია.
• დე იონგის საუკეთესო მაჩვენებელი 2018-2019 წლების სეზონში “აიაქსში” იყო, როდესაც მან 4 გოლი გაიტანა და 4 საგოლე გადაცემა გააკეთა.

შანსი: 40%

დე იონგმა ბოლო დროს შეტევაში აქტიურობასმოუმატა და თუ ასე განაგრძობს, შესაძლოა, სეზონის ბოლომდე დამატებით 6 გოლის გატანა შეძლოს.

ფილიპე კოუტინიო

• ბრაზილიელმა ამ სეზონში 3 გოლი გაიტანა და 2 ასისტი გააკეთა. საშუალოდ ერთ მატჩში კოუტინიოს კარისკენ დარტყმის მაჩვენებელი 2,40-ია.
• კოუტინიოს საუკეთესო მაჩვენებელი 2017-2018 წლების სეზონში “ბარსელონასა” და “ლივერპულში” იყო, როდესაც მან ჯამში 21 გოლი გაიტანა. წინა ორ სეზონში კოუტინიომ თითოეულში 11 გოლის გატანა შეძლო.

შანსი: 40%

იმისათვის, რომ კოუტინიომ ზემოხსენებული შედეგი დააფიქსიროს, ადრინდელი თავდაჯერებული ნახევარმცველის ამპლუის დაბრუნება სჭირდება. მუხლის ტრავმა, რომლის გამოც მარტამდე გამორიცხულია მისი მოედანზე ყოფნა, ართულებს ამ მიზნის შესრულებას.

მირალემ პიანიჩი

• ბოსნიელს ჯერ არ აქვს გატანილი სადებიუტო გოლი, თუმცა მისი კარისკენ დარტყმის მაჩვენებელი 1,15-ის ტოლია.
• პიანიჩის საუკეთესო მაჩვენებელი 2015-2016 წლების სეზონში “რომაში” იყო,როდესაც მან 12 გოლის გატანა შეძლო. 2009-2010 წლებში პიანიჩმა “ლიონის” რიგებში 11 გოლი გაიტანა

შანსი: 15%

პიანიჩი აღარ არის სატანადოდ ნაყოფიერი ნახევარმცველი, რომ მან 8 გოლის გატანა შეძლოს. ბოლო ორ სეზონში მას 7 გოლი ჰქონდა. პიანიჩი გოლებს იმ შემთხვევაში გაიტანს, თუ მას საჯარიმოების შესრულების შესაძლებლობა ექნება.

სერხიო ბუსკეცი

• ამ სეზონში ესპანელ ნახევარმცველს გოლი არ გაუტანია. მან კარიერაში 17 გოლის გატანა მოახერხა.
• ბუსკეცის საუკეთესო მაჩვენებელი 3 გოლია. გოლების ამ რაოდენობის გატანა მან 2008-2009 და 2013-2014 წლებში მოახერხა.

შანსი: 0,5%

მარტივად რომ ვთქვათ, ბუსკეცის დღის წესრიგში ამ მიზნის შესრულება არ არის.