ტერ შტეგენი: ჩვენ ახალ გუნდს ვქმნით, ახალი განწყობებით

“ბარსელონას” გერმანელმა მეკარემ, მარკ-ანდრე ტერ შტეგენმა, მისი გამოჯანმრთელების პროცესსა და გუნდში მიმდინარე ცვლილებებზე ისაუბრა.

“მუხლი ძალიან კარგადაა, ძალიან კარგად.

ჩვენ, როგორც ყოველთვის, გამარჯვება გვსურს. ამიტომაც გავდივართ მოედანზე, რათა ყველა თამაში მოვიგოთ. გარკვეული ცვლილებები განხორციელდა და ჩვენ ახალ სიტუაციას უნდა შევეგუოთ. ჩვენ ყველანი ერთად ვმუშაობთ, რათა შევქმნათ ახალი გუნდი, ახალი განწყობებით. 

მიზანი იგივეა, ჩვენ ვიბრძოლებთ ყველაფრისთვის. ხალხმა ეს ცვლილებები უნდა გაითავისოს, ჩვენ კი მთელი სეზონის განმავლობაში საუკეთესო ფორმაში უნდა ვიყოთ, რადგან იგი ძალიან გრძელი იქნება”.

იგი, ასევე, პანდემიასთან დაკავშირებულ აკრძალვებთან თანაცხოვრებასაც შეეხო.

“თავდაპირველად, შეზღუდებთან შეგუება ძალიან გაგვიჭირდა, თუმცა მათ ანგარიში უნდა გავუწიოთ და ყველაფერი გავაკეთოთ, რათა ამ მდგომარეობიდან გამოვიდეთ”, – თქვა ტერ შტეგენმა Cupra-ს მიერ ორგანიზებულ ღონისძიებაზე.

28 წლის გერმანელმა მუხლზე ოპერაცია 18 აგვისტოს გაიკეთა. ჯერჯერობით, მისი დაბრუნების ზუსტი თარიღი ცნობილი არ არის.