კიკე სეტიენი “ბარსელონას” წინააღმდეგ სამართლებრივ დავას იწყებს – ოფიციალური განცხადება

ახლახანს, კიკე სეტიენმა, ედერ სარაბიამ, ხონ პასკუამ და ფრან სოტომ ოფიციალური განცხადება გაავრცელეს. 

“ბარსელონას” ყოფილი მთავარი მწვრთნელი, მის ასისტენტებთან ერთად კლუბის მიერ მათი პოსტიდან გათავისუფლების დროს გამოვლენილ დარღვევაზე წერს. 

“ბოლო დროს გამოქვეყნებული ინფორმაციების გამო, გვსურს, დავაზუსტოთ:

ჩვენი არაერთი მოთხოვნისა და ერთი თვის განმავლობაში “ბარსელონას” დირექტორების სრული სიჩუმის შემდეგ, ოფიციალური შეტყობინება პირველად გუშინ, ბიუროფაქსის საშუალებით მივიღეთ. ეს შეტყობინება ცხადყოფს იმას, რომ ბორდი აშკარად არ ითვალისწინებს იმ კონტრაქტის პირობებს, რომელიც 2020 წლის 14 იანვარსაა შედგენილი. 

პირადად ჩემი, კიკე სეტიენის შემთხვევაში, საჯარო ინფორმაციაა და ყველამ კარგად იცის, რომ 17 აგვისტოს კლუბმა და პრეზიდენტმა ჩემი გათავისუფლება დააანონსეს, რაც ძალაში დაუყოვნებლივ უნდა შესულიყო. ჩემთვის ეს წერილობით 16 სექტემბრამდე არ უცნობებიათ – მხოლოდ ახლა მოვიდა შეტყობინება, რომ გათავისუფლება ძალაში შევიდა ყოველგვარი ანაზღაურების გარეშე. ჩვენდა გასაკვირად, “კლუბიდან რელოკაციის” შესახებ სამწვრთნელო შტაბის დანარჩენ წევრებსაც აცნობეს. 

ყველაფრის გათვალისწინებით, იძულებულნი ვხდებით, კონფლიქტის გადაწყვეტა ჩვენს იურისტებს მივანდოთ, რომლებიც შესაბამის სამართლებრივ მოქმედებებს განახორციელებენ. ამას ვაკეთებთ იმისთვის, რომ დავიცვათ ჩვენი უფლებები და შესრულდეს პირობები, რომლებიც ჩვენი “ბარსელონაში” მოსვლის პირველ დღეს დაიდო”.