ნიჭი ყველაფრის საწყისია | ალბერტ პუჩი ანსუ ფატისა და რიკი პუჩზე

“ბარსელონას” ახალგაზრდული გუნდის ყოფილი მწვრთნელი, ალბერტ პუჩი ანსუ ფატისა და რიკი პუჩზე საუბრობს.

“რიკი ძალიან ნიჭიერია, თუმცა ფიზიკური მონაცემები ხელს არ უწყობს. შესაძლოა, ამ ასპექტმა მის კარიერას ხელი შეუშალოს. ვნახავთ, რა მოხდება.

ანსუ ფატის ნამდვილად უდიდესი ტალანტი აქვს. თუმცა, ჩვენს გეგმებში ფეხბურთელთა აღმოჩენა და მათი გაფორმება ნაკლებად მნიშვნელოვანია – ჩვენი მიზანია, მოთამაშეებს საფეხბურთო განათლება მივცეთ და განვითარებაში დავეხმაროთ.

წარმატებისკენ მიმავალი გზა გრძელი და რთულია, რაზეც მრავალი გარეგანი ფაქტორი ახდენს გავლენას. თუმცა, სიმართლეა, რომ ნიჭი ყველაფერის საწყისია.

ეჭვგარეშეა, რომ რიკი და ანსუმანე ტალანტის ნაკლებობას არ განიცდიან. როცა ფატი 9 წლის იყო, აფრიკა დატოვა და დაგვარწმუნა, რომ ნიჭიერია, მისმა თამაშმა სიამოვნება არაერთხელ მოგვანიჭა.

პუჩი პირველად მაშინ ვნახე, როცა იგი 11 წლის იყო. რამდენიმე წლის შემდეგ კი მიხვდი, რომ დრო იყო, რიკის ჩვენთან ეთამაშა. როგორც აღვნიშნე, ამ უკანასკნელს სუსტი ფიზიკური კონდიციები ჯერ კიდევ აბრკოლებს, თუმცა მჯერა, რომ ეს ფაქტორი მას მენტალურად უფრო გააძლიერებს და დაეხმარება, რომ ტაქტიკურად მეტად განსწავლული გახდეს”, – ციტირებს სპეციალისტის სიტყვებს Mundo Deportivo.

52 წლის დამრიგებელი “ბარსელონაში” 2005-2010 წლებში მუშაობდა, ამჟამად კი კარიერას იაპონიაში აგრძელებს.