გრიზმანის იმედისმომცემი სტატისტიკა მანუელ ნოიერის და “ბაიერნის” წინააღმდეგ

14 აგვისტოს, ლისაბონში, ჩემპიონთა ლიგის 1/4 ფინალის ფარგლებში “ბარსელონას” და “ბაიერნის” დაპირისპირება გაიმართება. კატალონიელთა მწვრთნელს შემადგენლობაში სხვადასხვა ვარიანტები აქვთ, Diario Sport-ის ინფორმაციით, სეტიენი 4-4-2 სქემას გამოიყენებს, რაც ანტუან გრიზმანს სათადარიგოთა სკამზე დატოვებს. 

გრიზმანს “ბაიერნის” წინააღმდეგ საკმაოდ კარგი მოგონებები აკავშირებს, 2015/2016 სეზონში, ჩემპიონთა ლიგის ნახევარფინალში, ფრანგმა “ატლეტიკოსთან” ერთად გერმანელები ტურნირს მიღმა დატოვა, მეორე შეხვედრაში კი ძალიან მნიშვნელოვანი გოლიც გაიტანა (1-0 “ვისენტე კალდერონზე” და 1-2 “ალიანზ არენაზე)

გრიზმანს “რეკორდმაისტერის” ლეგენდარულ მეკარესთან, მანუელ ნოიერთანაც იდეალური სტატისტიკა აქვს, ანტუანმა მის კარში გოლის გატანა 5-ჯერ მოახერხა, დუბლი ევროპის 2016 წლის ჩემპიონატის ნახევარფინალში (საფრანგეთი 2-0 გერმანია), ჩემპიონთა ლიგის ნახევარფინალი (“ბაიერნი” 2-1 “ატლეტიკო) და 2018/2019 ერთა ლიგის ჯგუფური ეტაპი (საფრანგეთი 2-1 გერმანია).