ჯოვანი ვან ბრონკხორსტი: “ბარსელონა” მესის გარეშე ვერ წარმომიდგენია

“ბარსელონას” ყოფილი ფეხბურთელი, ჯოვანი ვან ბრონკხორსტი, Goal-თან ინტერვიუში ლიონელ მესის შესაძლო წასვლაზე საუბრობს. 

“ლიონელი ერთ-ერთია, რომელსაც შეუძლია მთელი კარიერა ერთ გუნდს მიუძღვნას. მას ვაფასებ, როგორც მოთამაშეს და როგორც პიროვნებას. იმედია, მესი “ბარსელონას” არ დატოვებს. 

მესის 16 წლიდან ვიცნობ, ახლა კი ის 33 წლისაა. ის არაჩვეულებრივ ადამიანად და მეოჯახედ ჩამოყალიბდა, საკუთარი მომავალი მან თავადვე უნდა გადაწყვიტოს. 

“ბარსელონა” მესის გარეშე ვერ წარმომიდგენია.” – აცხადებს ვან ბრონკხორსტი. 

ჯოვანი ვან ბრონკხორსტი “ბარსელონას” რიგებში 2003-2007 წლებში გამოდიოდა.