გუშინ, ღამით, “ბარსელონას” პრეზიდენტმა, სანდრო როსელმა კლუბის ახალი ფორმების პრეზენტაცია მოახდინა. როგორც თავიდანვე იყო ცნობილი, 2011-2012 წლების სეზონიდან, “ბარსას” მაისურის წინა მხარეს სპონსორის წარწერა იქნება გამოსახული, იუნისეფის რეკლამა კი უკანა მხარეს გადაიწევს.
საშინაო ფორმის სურათები რამდენიმე დღის წინ გავრცელდა. რაც შეეხება გასვლით ფორმას, არსებობდა ინფორმაცია, რომ იგი შავი უნდა ყოფილიყო და აღნიშნული ინფორმაცია გუშინ დადასტურდა. რაც შეეხება მეკარის ფორმას, იგი მუქი მწვანე იქნება.
ცოტა ხნის წინ, გამოითქვა ვარაუდი, რომ ლა ლიგის ბოლო მატჩში, “ბარსას” ფეხბურთელები უკვე ახალი ფორმებით ითამაშებდნენ, მაგრამ როგორც გაირკვა, ეს ინფორმაცია სიმართლეს არ შეესაბამება.
