მართალია, ”ლევანტესათან” გაგორებული ფრით ”ბარსელონამ” მიმდინარე სეზონის ჩემპიონის ტიტული გაიფორმა, მაგრამ აღნიშნული თამაში ნამდვილად არ გამოდგა იღბლიანი ლიონელ ანდრეს მესისთვის. მსოფლიოს საუკეთესო ფეხბურთელმა ვერა და ვერ აიღო მეტოქის კარი, მიუხედავად რამდენიმე არაჩვეულებრივი გარბენისა და მეტოქის დაცვის ხაზის ფეხბურთელების შესანიშნავად მოტყუებისა.