რივალდო: დაცარიელებული ტრიბუნა ფეხბურთელებისთვის ახალი გამოწვევაა

Betfair-თან ინტერვიუში, “ბარსელონას” ლეგენდარულმა ფეხბურთელმა, რივალდომ აღწერა, თუ როგორ შეიძლება გართულდეს ტიტულისთვის ბრძოლა პანდემიურ პირობებში.

“დაცარიელებულმა ტრიბუნებმა “ბარსელონას” საჩემპიონო ზრახვებს, შესაძლოა, ხელი შეუშალოს. მაყურებლების გარეშე შეხვედრის ჩატარება მოთამაშეებისთვის ნამდვილად ახალი გამოცდილებაა, ეს ფაქტორი კი ჩანაფიქრთა განხორციელებაში სტუმრებს უფრო დაეხმარება.

სარეზერვო ფეხბურთელთა რაოდენობის კლება სეტიენისთვის მძიმე გამოცდა იქნება. დარწმუნებული ვარ, რომ “ბარსელონას” როგორც პირველ გუნდში, ასევე აკადემიაში ჰყავს სათანადოდ ეფექტური კადრები. მოსალოდნელი სირთულეების მიუხედავად, რომელსაც კლუბი ეგებება, ვთვლი, რომ “ბარსას” ყველა აუცილებელი რესურსი აქვს, რათა საჩემპიონო ტიტული შეინარჩუნოს.” – შეაჯამა რივალდომ.